La Usc di Ladins

Se à serà su en vender ai 20 de setember te la senta del Liceo Artistich de Fascia la 6^ edzion del Simposie de scultura dedicà al professor, artist e alpinist Toni Gross (1932-2005) e metù a jir da l’Union di Ladins de Fascia adum con l Comun de Sèn Jan e la Scola Ladina, col sostegn de la Region Trentin Südtirol e del Comun General de Fascia.

Na edizion che à abù desche argoment l ‘vet’, o miec l ‘vöit’, coche dijea l titol cernù dal diretor artistich Pierangelo Giacomuzzi e che à conjobià èrt e scienza, aldò de na idea vegnuda fora da la studentes del grop de robotica de la scola auta de Fascia.

N bel tem, che é stat dejout te Piaz de Comun e te Piaz del Malghèr a Poza dai 16 ai 19 de setember soscedan enteres e curiosità de jent del post e foresć, ma che l é stat ence ocajion de n confront percacent anter la Scola e la comunanza, anter i esperc e i performers.

Podede lejer dut su La Usc stampèda de en vender ai 27 de setember.  (Lucia Gross)