La Usc di Ladins

Dotours
Dutor Gherdëina
L dutor de servisc da n sada ai 29.03. dala 08:00 daduman nchin la 08:00 daduman de n lunesc ai 31.03. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 29 y 30 de merz él en sorvisc ti comuns de Badia, Corvara y La Val le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc ai 29 de merz la doturia Marga­rete Mahlknecht, La Val, tel. 349 0667034 o 0474 523018. Ai 30 de merz él en sorvisc le dotur Eduard Agreiter, San Martin, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 28.03. nchin n vënderdi ai 04.04. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 28 de merz dales 19:00 al vëndres ai 4 d’aurí ales 19:00, é chëra da Corvara, tel. 0471 830237.

Mostres y Ert
Atualmënter
Mostra – L tier te mé
La mostra dla doi artistes Valentina Andrees-Resche­tizka y Emily Oberschmied dal titul »L tier te mé« sarà da udëi nchin ai 14 de auril tla galaria Vijion a Puntives, dal lunesc nchin la sada dala 16:00–19:00 o cherdan su l numer 338 2098697.
Atualmënter
»PESC«
N ucajion dla mostra tempo­ranea »Die Hutterer« tl Muse­um de Tluses, vëniel metù ora nce na mostra coletiva n cunlaurazion cun UNIKA dal titul »Pesc«. La giaurida ie ncuei, vënderdi, ai 28 de merz dala 19:00
Atualmënter
Crëps
La mostra de Riccarda de Eccher, che mostra acuarei dla Elpes y particularmënter dla Dolomites che devënta prutagonistes de si lëures, ie da udëi nchin ai 29 de merz tl Tublà da Nives te Sëlva. Orar: Uni di ora dl lunesc, 15:00–18:00.
Atualmënter
Ziclus – ert cun la natura
Per «Kunst im Gang[e]» à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.
01.04.
Mostra: L mond di mandala
Tl Café Surëdl a Urtijëi vëniel metù ora na mostra de Erika Senoner. La unirà giaurida ai 1. de auril y jirà inant nchin ai 13 de juni, dal lunesc nchin al vënderdi, 09:00–19:00.

Sozial
Atualmenter
Cors de tango
L Comun General de Fascia, en colaborazion con ASD Tango al buio, endreza n cors per scomenzèr a balèr l tango argentin con ensegnanc col diplom nazionèl e interna­zionèl, lezions da les 19:00 a les 20:00 te Oratorie de Poza a Sèn Jan. Info e prenotazions al 347 0194799 o tango.albuio@gmail.com.
Atualmënter
»Club

• 
•  

View the embedded image gallery online at:
https://www.lausc.it/manifestazions-y-evenc/29188-manifestazions-atuales#sigProIda8506155cb

Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 10 de aurí. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
02.04
Cena bruna per l autism
Ai 2 de oril, te la dì dedichèda al autism, la Coprativa sozièla Spazio-Tempo che sostegn la vacanza-terapia Alpine Butter­fly con la Sociazion Bambi envia duc al ENAIP de Tieser a la »Cena Blu«, per sensibilisèr e sostegnir i projec per chest problem. Vegnarà prejentà l liber »Maestra sa che sono autistico?« con l’au­tora Gio­vanna Valdan. Info e prenota­zions al 348 0378308 o 349 1948502.
04.04.
Radunanza de la Sociazion Rencureme
En vender ai 4 de oril da les 16:00 te sala Rovisi del Comun de Moena te Piaz de Sotegrava, la Sociazion Rencureme met a jir la radunanza generèla ordenèra de si sozi per portèr dant relazion e bilanz de l’ati­vità del an 2024 e program del 2025. Se pel fèr o renovèr l tesserament a la sociaizon ence te chela ocajion.

Iadi y Jites
Atualmënter
Iscrizions: viac de doi dis tl Lechtal
La grupa KVW de S.Cristina mët a jì ai 23 y 24 de mei 2025 n blòt viac de doi dis tl Lechtal tl Tirol. L vën durmì a Elbige­nalp. De reviers pàssen a Lech y Zürs. Nteressei possa se nuté su pra Emmerich Seno­ner al numer 335 57 13 575.

Cursc
Atualmënter
Iscrizions curs de tudësch
L Cumité per Ntegrazion Gher­­dëina deberieda cun i che­muns mët a jì n curs de tudësch per chëi che sa bele mpue–dai 2 de auril inant uni lunesc y mierculdi, 9:00–11:00. La prima ancunteda sarà tla biblioteca de San Durich, daldò for tla Cësa du Cungresc a Urtijëi. Iscrizions: nchin ai 28.03. te biblioteca. Cost (per 32 ëura): 70,00 €.
03.04.
Curs da inrissé üs
En jöbia ai 3 d’aurí dales 19:00 ales 20:30 vëgnel metü a jí, tl Ciastel de Tor a San Martin, n curs da inrissé üs. Referënta é Rosmarie Verginer. Le cost é de 10,00€ a ce, i posć é limi­tá. Les prenotaziuns vëgn tutes sö al 339 3115679.

Segres y Festes
29.03.
Gardenissima: Festa do la garejeda
Do la garejeda epica dla Gar­denissima saràl dala 16:00 inant festa pra l puent de Col da Mulin te Sëlva, cun mujiga di »Dorfrocker«, DJ Matty Valentino y DJ Ondy.
30.03.
200 egn de la gejiola de Ciampestrin
En domenia ai 30 de mèrz vegn fat festa per i 200 egn de la picola gejia de Ciampe­strin. Da les 9:00 se se troa ló da la gejia per la bendiscion e do en procescion con la Musega Auta Fascia se va fin al PalaDolomites, olache da les 9:30 l é prejentazion del liber »Madonna di Lourdes di Campestrin« e da les 10:00 la messa ciantèda.
05.04.
Festa cun lianies blances
Sal Salei sun sun Sela, uniràl festejà la fin dla sajon da d’inviern cun lienies blances y buandes. Nce de bela mujiga ne daussa nia mancë: The Jam’son sunerà dala 10:00 inant. L devertimënt ie segurà.
05.04.
Festa dla Loches
L Freeride Club Gherdëina mët a jì la festa dla loches sun Plan de Gralba pra l lift Pudra, ai 5 de auril dala 11:00 inant. L dajerà coche for da maië y da bever y sambën ne man­ceràl nia de bela mujiga.
05.04.
Winter Final Party
Pra Col da Mulin te Sëlva uni­ràl metù a jì na bela festa dala 17:00 inant, cun mujiga di Pëufla, DJ Antonie, DJane ENA und Diegopesx. La ntreda ie liedia y l Schi Club Gherdëina dajerà ora velch de bon da maië y da bever.

Temp Lede
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada in­terativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
Auril
Café dla rujenedes per franzëus y nglëisc
Ntan l Café dla rujenedes tla biblioteca de San Durich a Urtijëi uniràl rujenà franzëus uni merdi dl mëns, ai 8, 15, 22 y 29 de auril, for dala 09:30. Per nglëisc saràl de mierculdi ai 16, 23 y 30 de auril, for dala 09:30. Na cunescënza de basa dla rujeneda ie bën­ududa.
01.04.
Sommelier sön pista
En mertesc al 1. d’aurí vëgnel pité por l’ultima edema na roda cun i schi cun na degu­sta­ziun de vins, adöm a n mae­­ster de schi y n sommelier de Südtirol. I partezipanc pëia ia dales 13:45 dal Piz La Ila, por storje pro te döes üties dl raiun dai schi. Prenotaziuns ti ofizi turistics dl’Alta Badia.
02.04.
Sëira de juesc cun la lia Trix
La lia Trix nvieia a na sëira de juesc da mëisa nmierculdi ai 2 de auril dala 20:00 tl local Saut dla Nëus Jëuni Gherdeina a Urtijëi. L sarà da abiné velch per uniun:a!
04.04.
Storia de 15 menuc
Tla biblioteca de San Durich a Urtijëi liejerà Karin dant na storia de 15 menuc, n vën­derdi ai 4 de auril dala 15:00.
04.04.
Nuet longia dla biblioteches
Nce la biblioteches de Gher­dëina sarà daviertes nchin ala 22:00 n ucajion dla Nuet lon­gia dla Biblioteches.
04.04.
Das kunterbunte Märchenbeutelchen
N ucajion dla Nuet longia dla Biblioteches cunterà Veronika Krapf y Margareta Fuchs de bela stories a surpreja per duta la familia, n vënderdi ai 4 de auril dala 19:30. tla bi­blio­teca de San Durich a Urti­jëi. La biblioteca sarà n chësc di davierta nchin la 22:00.
07.04.
Pastelné per Pasca
Tla biblioteca de San Durich a Urtijëi puderà mutons y mutans pastelné per Pasca, n lunesc ai 7 de auril dala 15:00 inant.
07.04.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel’ barat. La proscima ancunteda sarà ai 7 de auril.
12.04.
Curs de dessenië y prejentazion de n liber
»Wir zeichnen einen Zoo« – l curs de dessenië y la prejenta­zion de n liber per mutons:ans dai 7 nchin ai 12 ani, vën tenì da Simon Mayr n sada ai 12 de auril dala 9:30 tla biblioteca de San Durich a Urtijëi. Tulë­de pea vosta tea!

Sport
29.03.
Gardenissima
Gardenissima, 27ejim edizion. La garejeda sarà n duman sada ai 29.03. dala 07:30 inant, da Secëda ju nchin japé dla furnadoia de Col Raiser, ula­che l sarà nce la premiazion domesdì.
29-30.03.
10^ Copa Pavei d’Arjent te Fascia
En sabeda ai 29 e en domenia ai 30 de mèrz l Val di Fassa Artistico Ghiaccio e la FISG, Federazion talièna di Sport su la Giacia, met a jir tel stadie de la giacia Gianmario Scola de Dèlba la 10^ edizion de la Copa Pavei d’Arjent, califica­zions del Trentin del Trofeo FISG de fascia bronze, con proes e competizions da les 8:30 a les 16:30.
30.03.
Socialone del Ski Team Fascia
L Ski Team Fascia endreza en domenia ai 30 de mèrz sul portoi Pra di Tori forin Mont da Vich l Socialone finèl, con scomenz de la garejèdes da les 9:30, do marena e premia­zions. Info: 0462-764111 o info@skiteamfassa.it
30.03.
Gardenissima Kids
Nce i:la mëndri:es possa desmustré cie che i:les sà da fé: pra la Gardenissima Kids, ai 30 de merz. La garejeda de doi chilometri sun Secëda pëia via dala 08:30.

Televijion
01.04.
Tassie – Reijes che soscedèa mister
Dales 20:50 ca. La reijes de la pruma popolazions che s’à enciasà su per la Ladinia l è amò n mister. Su per nes monc troon lesc che sot e via ne conta zeche de chisc prumes abitanc, ma i varda ampò de no ne dir dut. Jon a veder chel che saon e chel che resta n mister de noscia reijes te 3 lesc archeologiches. Program de Matilde Gazzini, a cura de Anna Mazzel.
02.04.
Eie e Spieie – L sport averc orizonc
Dales 20:50 ca. L sport, sessa­ben, l é de valuta per tropa jent sot desvalives ponts de veduda. Ma co el l sport per la jent con pedimenc? Che fazion èl pa e colugn obietives se pelel arjonjer? Per saer zeche de più, te chesta puntata de Eie e Spieie, jon vindedò la col­trines di arcedamenc de la squadra de ateltes e atlec con desabilità de la SSV de Per­­senon. Program de Cinzia Pistoia, a cura de Anna Mazzel.
03.04.
Scenar – Armin Grunt y Vittoria Sandbichler
Dales 20:50 ca. La statues biences de Armin Grunt sgali­ziesc tant te anter l fosch del bosch che te anter l tananai de la sajon. Tras l color e la formes, Armin proa a dèr neva vita a na comunicazion che, aldidanché, la somea esser jita perduda tant anter la persones che anter l om e la natura. Vittoria é na tousa da Poza che, tras sia pascion per la conditoria, la cer, tel medemo moment, de tegnir su i recorc de cèsa e chi de la tradizion. Tras sia mans e sia rezetes, Vittoria fèsc su n pont anter passà e davegnir e la dèsc l met, ence ai ghesć, de se portèr a cèsa n toch de cultura ladina. Program de Silvia Murer y Jan Piere Kar­bon, a cura de Leo Senoner.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
29.03.
Momënc de vita – Intervista a Ester Crazzolara
Dales 20:50 ca. Ester Crazzo­lara é chersciüda sö a San Ciascian, ara á fat la scora alta a Balsan y do la scora ára metü man da lauré te n stüde de n comerzialist, olache ara laora ciamó aldedaincö. Ester vir cun süa familia a Gargazon y ara é tres stada liada ala cul­­­­­tura ladina, ara é stada pre­­­­­sidënta dla Comunanza Ladina de Balsan por n val­gügn agn. Ester Crazzolara nes cunta de süa gran pasciun por le cianté y dl cor de ëres da Gargazon, de chël che ara fej pert. N program de Erika Castlunger.
30.03.
»Ëiles, let’s rock!« La forza dla mujiga al feminin
Dales 20:50 ca. Sota l moto »Ëiles, let’s rock!« iel unì festejà l di dl’ëila tl Tublà da Nives te Sëlva. L ie stat na sëira per sotrissé la gran varietà dl pa­no­rama mujichel de Gher­dëina, dut al feminin. Dodesc partezipantes iel stat, uniuna cun si stil, cun si carater y si persunalità. Te chësta segonda trasmiscion audirons mujiga y ntervistes a Nathalie Moro­der, Erika Mussner y ala scri­tëura Nadia Rungger. Tras­miscion de Sofia Stuflesser.
02.04.
»Les aventöres de Milia«
Dales 19:05. La picera sgne­cora Milia lascia so urt y vá adöm a les vidunderes a chirí le bun cialt cuntra süd. Pro­gram de Iris Del Valle.
03.04.
Le ce tles neores y i pîsc tl’aria
Dales 19:05. Le sport dl joré cun le parapënd stlüj ite la fascinaziun da se lascé nainé dal vënt dalunc da döt y da düc. Thomas Stuffer, le pre­sidënt dl Parapendio Club Gherdëina nes cunta deplü por sura le joré cun la vela. N program de Sara Frenner.

Religion
02.04.
Spirit de Crist, spirit dla speranza
L Cunsëi de pluania Urtijëi nvieia a na ancunteda cun nosc primiziant Pater Peret (Wilfried) Insam, n mierculdi ai 2 de auril dala 20:00 tl self dla pluania te Calonia.
07. – 12.05.
Pelegrinaje a Medjugorje
Dai 7 ai 12 de ma 2025 vëgnel organisé n pelegrinaje a Me­djugorje. Por prenotaziuns y informaziuns plü menüdes, pón cherdé sö Daniele Agostini al 335 5368546 o Patrizia al 347 7537887.

Referac
28.03.
La belëza dl crëidum tla mujiga
L KVW de Urtijëi nvieia a chësc referat de Agnes Irsara, ncuei, 28 de merz, dala 20:00 te calonia a Urtijëi. Cun ejëm­pli de mujiga vëniel mustrà coche la mujiga possa judé a sentì y viver l crëidum.
29.03.
Rosis Gartenglück
La paura bio Rosi Mangger Walder mostra coche n po’ miuré l fonz y la tiera de ver­zon: n duman, sada ai 29 de merz dala 14:30 tla biblio­teca Tresl Gruber a S. Cristina.
31.03.
La fede tla leteratöra
Le Consëi de Cöra da La Val mët a jí le referat »La fede tla leteratöra«, tigní da Carlo Suani. An s’incunta en lönesc al 31 de merz dales 20:00, tl salf dles manifestaziuns da La Val.

Avisc
Atualmenter
Gropes de letura te Biblioteca de Comun de Sèn Jan
L é nasciù l nef grop de letores Amisc de la Biblioteca de Sèn Jan, debant e avert a duc; l se bina ai 10.04 da les 17:30, info te Comun al 0462 764758 int. 9. Va inant ence l grop de letura per bec »L’isola che non c’è« con Elisabetta Van­zetta, ai 30.04 e ai 28.05. Info al 389 1122243 ence whatsapp, o sangiovannidifassa @biblio.tn.it
Atualmenter
Nasciui per lejer te la Biblioteches de Fascia
Te la Biblioteches de Sèn Jan, Moena e Cianacei, ensema con cheles de Fiem, vegn metù a jir mostres, scontrèdes e scomenzadives per ge averjer l mond di libres e de la musega ai bec da 0 a 6 egn. Dai 26 de mèrz ai 7 de oril a Sèn Jan, dai 9 ai 19 de oril a Moena e dai 21 ai 30 de mé a Cianacei. www.natiperleggere.it
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions online per l ann 2025/26 ie daviertes nchin ai 31 de merz sun my.civis.bz.it. Per la iscrizions iel debujën dl SPID. Coche uni ann pude­ràn crì ora danter de plu stru­mënc, cianté, muvimënt y bal.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lö­­nesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Merz
Iscriziuns ala scora de musiga Val Badia – online
L’iscriziuns ales scores de musiga dla provinzia pón fá dal 1. ai 31 de merz, ma online tres les sorvisc dl’aministraziun provinziala »myCivis« al link https://civis.bz.it/einschreibu ng-musikschule. L’azes al sorvisc vá tres SPID o CIE (cherta d’identité eletronica). Informaziuns ciafon te secre­tariat dla scora de musiga a La Ila al 0471 847748 o sot https://deutsche-bildung.pro vinz.bz.it/de/musikschulen
28.03
N pènt anter popoi per l Mozambico
Anché vender ai 28 de mèrz da les 17:00 te sala Rovisi del Comun de Moena te Piaz de Sotegrava, scontrèda del Con­sorzie Sociazions per l Mo­zam­bico per prejentèr i projec de cooperazion sanitèra e educativa »N pènt anter po­­poi« anter Trentin e Mo­zam­bico. Tol pèrt Elisabetta Cavada e Gianpaolo Rama.
29.03
Radunanza de la Sociazion Luigi Heilmann
En sabeda ai 29 de mèrz da les 17:00 te la Sala Valentino Rovisi del Comun de Moena vegn chiamà ite la radunanza ordenèra di sozi: da les 18:00 sarà dapò la radunanza straor­denèra che perveit al orden del dì la fin de la Sociazion, la destinazion del patrimonie e la nomina di liquidatores.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.

Mujiga
28.03.
Carmen a la Grenz
Insnet vender ai 28 de mèrz te la senta de La Grenz te strada Saslonch a Moena da les 21:30, conzert dal vif »Kill the Small Town Girl«: la cian­tautora Carmen da Berlin porta dant sie nef album Pop – R&B – Indie – Rock. Se pel ite debant con tessera ARCI.
5.04.
Cunzert dl Cor di Jëuni Gherdëina
L Cor di Jëuni Gherdëina nvi­­eia a si cunzert n sada ai 5 de auril dala 18:00 tla dlieja de S. Cristina. N cianterà cian­ties che unirà purtedes dant al cuncors nternaziunel »Vox Lucensis« a Lucca tla Toscana.
06.04.
Cunzert Lumen
N ucajion di 100 ani dla Mu­jiga de Sëlva vëniel metù a jì n cunzert dal titul «Lumen» tla dlieja de Sëlva, n dumënia ai 6 de auril dala 20:00.

Teater
30.03.
Lucio Gardin Show
En domenia ai 30 de mèrz da les 14:30 al PalaDolomites l é l show cabaret de Lucio Gardin »Farò del mio meglio«.
02.04.
Sajon teatrala de Fiem
Per la sajon teatrala de Fiem, en mercol ai 2 de oril da les 20:45 te teater de Tieser, Agidi met dant l spetacol »Operaccia Satirica-La guerra dei sogni« de e con Paolo Rossi, muse­ghes de Emanuele Dell’Aquila e Alex Oricari e con Caterina Gabanella.
29-30.03.
La Filo de Tieser sun paladina
Doman sabeda ai 29 de mèrz da les 20:45 te chino de Tieser vegn spilenà l spettacolo de la Filodramatica de Tieser »L’equivoco«, che vegn spilenà amò na outa semper tel me­demo chino ence en domenia ai 30 da les 17:30.
Atualmënter
Teater tl Vinzentinum
L teater di maduranc:andes dl Vinzentinum »Mord im Klosterhotel« vën purtà dant tla sala Parzival dl Vinzen­tinum y plu avisa mo ai 29 y 30 de merz. I orares ie da abiné sun la plata vinzentinum.it. La ntreda ie a dunfierta liedia.

Chino
Atualmenter
Al chino de Pardac
En sabeda ai 29 de mèrz da les 17: e da les 21:00 e en domenia ai 30 demò da les 17:00 se pel veder »Bianca­neve«; en domenia da les 20:30 vegn enveze moscià »Nella tana dei lupi 2 Pantera«. Info su www.cinemapredazzo.it.
Atualmenter
Al chino de Tieser
Insnet, vender ai 28 de mèrz da les 21:15 se pel veder l film »Anora«, en sabeda ai 29 da les 20:45 e en domenia ai 30 da les 17:30 la Filodramatica de Tieser porta dant »L’equi­voco« e en domenia da les 20:30 l é enveze en program amò »Anora«. En jebia ai 3 da les 21:15 per la rassegna ‘Il piacere del cinema’ l é »Io sono ancora qui« e dapò en vender e sabeda ai 4 e 5 da les 21:15 e en domenia ai 6 da les 20:30 se podarà veder »Nonostante«. Info www.cine matesero.com.
Atualmënter
Literakino
Ntan l mëns de merz, for de vënderdi dala 20:00, vëniel mustrà de biei films tla bilblio­teca de San Durich a Urtijëi. L proscimo apunta­mënt ie ncuei, 28 de merz. L prugram plu avisa ie da abiné te biblio­teca.