La Usc di Ladins

Nia da far nience chesta outa per l Fascia Balon, che en domenia passada l à perdù contra l Perjen sul ciamp fascian de Cotura. Giusta al scomenz, do 2 menuc, rua la pruma ocajion fasciana con Patrizio Deville, che l ciapa l remenat a la dreta del portier. Passa 5 menuc e rua ence la pruma ocajion valsuganota, co na tra da pech dalonc dal usc che fenesc sul remenat aut. L gol l é te l’aria e do doi menuc rua l prum vantac per l Perjen, che l met l balon te usc da doi pasc.

De più, con classifica e resultac de la squadres mendres, su La Usc stampèda de en vender ai 28 de mèrz, da poder troèr ence te la boteighes de sfoes de la valèdes ladines, o sul PDF per i aboné al e-paper.  (Pierpaolo Rasom)