La Usc di Ladins

»A Ciampestrin, la gejia é dedichèda a la Madona di Agnui. La é stata fata su l an 1825. Ciampestrin l à 112 emenes« coscita scrivea Simon de Giulio te sia »Picola istoria de la gejies«.
Belapontin en domenia ai 30 de mèrz la comunanza de Ciampestrin festejarà i 200 egn de chesta gejiola che timpruma la era dedichèda a Sènta Maria di Agnoi, zelebrèda ai 2 de aost, e canche la é stata benedida e renovèda del 1900 la dedicazion lé mudèda a Sènta Maria de Lourdes, festejèda ai 11 de firé.
Chesta e de autra informazions e curiositèdes é states binèdes su te n codejel che l’Aministrazion de Mazin darà fora e prejentarà en domenia en ocajion de la dì de festa. Da les nef dadoman se se bina aló da la gejiola, olache sarà la benediscion e en procescion se jirà fin al Paladolomites, olache da les 10:00 don Mario dirà la sènta Messa ciantèda.

De più su La Usc nr 12 dai 28 de mèrz: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Nico)