La Usc di Ladins

Per recordèr e fèr cognoscer amò de più l valor di gropes linguistics che l é sul tegnir del Trentin Sudtirol, l assessor regionèl a la mendranzes linguistiches, l fascian Luca Guglielmi, ge à portà dant a la Jonta regionèla la proponeta che vegne istituzionalisà la Dì de la Mendranzes linguistiches ladina, mochena e zimbra. Enstadì la Jonta con a cef l president Arno Kompatscher à tout dant e aproà chesta proponeta.

»La valorisazion di lengac e de la tradizions culturèles de chesta comunanzes – disc Guglielmi – la é fondamentèla per arsegurèr l respet de la desvalivanza e l derit de la mendranzes linguistiches a tegnir su sia identità. Per chest aon pissà a n event de chesta sort ispirà a la Dì de l’Autonomia che vegn endrezà vigni an a Trent e Busan olache pel vegnir zelebrà e valorisà la richeza de lengac e cultures che l é sun nosc teritorie.«

De più su La Usc nr 12 dai 28 de mèrz: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (LG)