La Usc di Ladins

»Te scola alberghiera de Rorei scomenza 6 prume: en quarta rua na chindejina de joegn a far ‘cojina salada’ e na trentina fasc ‘arte bianca’, che fossa conditoria, n cors più de nonzech percheche fin acà 6/7 egn l era vidà da n boniscim conditor, Aliseo Albertini, che l ge passaa la pascion ai bec. A Tieser, i scomenza con 2 prume, che dapodò se spartesc en terza anter chelneres e coghi; che fasc l ultim an chest an i é de ot, l an passà na dejina e da ca trei egn de 5/6. N é semper de manco.« Coscita l é peà via la reflescion del chech Stefano Ghetta en cont del davegnir de la cojina te nosc raion. Estra che esser chech del Hotel Gran Mugon sun Tamion, l ensegna ogne mercol a la clasc del quarto an de Tieser e da 13 egn en ca d’aisciuda e d’uton l ensegna ence a Rorei.

Belapontin te la scoles profescionèles alberghieres, teren olache vegn tirà su i cheghes del davegnir, l veit an do an vegnir i numeres semper mendres. Lurèr te cojina aldidanché l é desvalif respet a canche l aea scomenzà el.

Embendapò, co él mudà ghenao l lurier del cogo? Co se podessel envièr i joegn a tor chesta strèda? Colunes él la dificoltèdes e i ponc de forza del lurèr te cojina? Co él endrezà anchecondì e che prospetives tel davegnir èl l mondo de la cojina te Fascia? A dut chest, l ne respon Stefano Ghetta.

Se pel lejer duta l'intervista su La Usc nr 12 dai 28 de mèrz: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Nicoletta Riz)