La Usc di Ladins

Vigni ann danü él na bela cumpëda de sonadus ladins che tol pert ai campionac mondiai y nazionai de orghi da man fora en Austria. Cina dl 2009 gnôl ince tigní n campionat de Südtirol, che é indere spo gnü lascé ester. Mo en chësc ann ésera indô garatada y al é gnü a s’al dé dai 21 ai 23 de merz ite en Pfelders. Al concurs á tut pert incër 60 sonadësses y sonadus da 8 cina 30 agn – de chisc ince cotanc dala Val Badia, da Gherdëna, de Puster, da Sarntal, Vinschgau y Passeier.
Pro i partezipanc ince na dërta cumpëda de sonadus y sonadësses ladins, che á ince en chësc iade fat bela parüda y arjunt de bi resultac. Na gran ligrëza él garaté por Benno Sorà da San Martin de Tor, che á arjunt le 1. post tla categoria A cun 94,6 punc (sön 100) y le predicat "ezelënt". Lapró él garaté ciamó cotan d’atri podesć ladins y ince valutaziuns demorvëia.

I podëis lí deplü t’La Usc di Ladins di 4 d’aurí  (pablo)