L conseier de l’Union di Ladins de Fascia portarà dant na rezeta ogne meis sul sfoi de La Usc di Ladins

»Che bon!... ma ence bel« l’é la neva rubrica che taca sun chest numer e che vegnarà fora via per chest an, olache l conseier de l’Union di Ladins de Fascia Andrea Zanoner ve portarà dant n’outa al meis na gustegola rezeta. Andrea l’é n chech da Moena, clas 1984, maridà a Sèn Jan con Francesca da cater egn. L se à diplomà a la scola de Tieser desche chech e a Meran desche manager de alberch. Apontin el dessema con sia familia l se cruzia de la gestion del picol alberch de Moena »L’Ideale«.

...

Del 1933 vegn endrezà la pruma Direttissima. L’ultima gara vegn fata del 1948. Del 1950 l’é l’ultim slalom lèrch vent da Zeno Colò
La Marmolèda é tras stata na gran atrazion per i sportives, jà ti prumes egn del 1800 l’é documentà la endesfides di alpinisć che i volea arjonjer la ponta maora, endesfida che la ge é jita fata al gran alpinist da Viena Paul Grohmann, se sà ben didà da menacrepes de noscia valèdes, i frèdes da Cortina Angelo e Fulgenzio Dimai, l’era ai 18 de setember del 1864.
La Marmolèda, crepa de gran perfezion coche scrif i alpinisć di prumes egn del 1900. L gran parei envers soreie, palestra per i miores ...

La redazion de la Scola ladina de Fascia à endrezà l’otaf numer de Filoreflex. Dassen de valuta la neva rubrica »Politicamente«

Descheche l 1492 l’é stat l’an de la descorida de l’America e l 1789 chel del scomenz de la revoluzion franzousa, l 2020 sarà recordà te la storia de l’umanità desche l’an te chel che l’é vegnù al luster duta la problematiches de na sozietà globalisèda. N an che vegnarà recordà per la petorcena del Covid, che, zenza fadìa, l’é stat bon de ge fèr mudèr viesta a la sozietà, metan sotessora duta noscia vida de viver e veder l mond. La neva generazions les é chiamèdes a pissèr a na vijion ...

Jir sa mont en segureza l’é più che emportant: saer che che se pel fèr, olache se pel jir e co se comportèr en cajo de pericol pel fèr dassen la desferenza. Endèna chisc ultimes meisc, canche i ghesć te val i é stac pec e l’invern ne à regalà na zopa de neif, se à vedù tropa jent jir sa mont con i schi d’alpinism o co la cèspes, aboncont zenza aer neguna esperienza.

De più en cont ai corsc endrezé da la sezion CAI SAT de la Val de sora su La Usc 02 di 15 de jené

Chest an, per via de la emergenza sanitèra, ence l passaje al prum an de scola mesèna cogn vegnir confermà online
L’é temp fin ai 25 de jené per la iscrizions a la pruma clasc di scolees che con l’an de scola 2021/2022 taca ite la scola populèra o la scola auta. L’iscrizion cogn vegnir fata online da un di genitores o da chi che à la responsabilità genitorièla travers l’azess al portal www.servizionline.provincia.tn.it - area infanzia, scuola e formazione - iscrizions - tras SPID.
Da chest an, per fèr a na vida che duta la prozedures sie medemes e ence per via de l’emergenza Covid per presservèr la sanità ...

Daniele Verra à portà a compiment n bel projet: 10 autores, con 10 capitoi te 2 lengac, conta n temp de vita de M.J., sia familia e si amisc te Fascia, con emozions e sentimenc universèi.
Daniele Verra l’é n joen de 28 egn da Cianacei che dò la ragionerìa l se à laureà a Trent en letradura moderna, ajache lejer e scriver ge sà più bel che fèr conts. L laora te l’hotel de familia a Cianacei, l colaborea con la redazion de La Usc di Ladins e l’à lurà te Istitut Cultural Ladin per l’archivie, lurier che ge à piajù tant da fèr la tesi sul fondo de P. Frumenzio Ghetta.
Chest’aisciuda l se à pissà n projet, l ge à lurà dò per 6 meisc e ades l ne porta dant l frut garatà de sie empegn: ...

Ence la sociazion Rencureme à cognù fermèr sia atività per via de l’emergenza sanitèra.

I desvalives projec en esser, chel che revardèa l Parkinson te Fiem e Fascia, la creazion de doi zentres de enconter per sporjer ativitèdes e terapìes e l grop de auto mutuo aiut i é stac lascé sù percheche no fossa stat possibol fèr vèlch de percacent online.
Endèna aboncont, en colaborazion con la Crousc Checena e l Comun general de Fascia, la sociazion tol pèrt a n projet de mobilità out soraldut ai comuns de Mazin e Moena (valutan ampò la domanes de etres comuns) per persones che à ...

Federico Costantino no se à salvà. Tel dì che la val con gran dolor ge à dat l’ultim salut a Etienne Bernard, l’é ruà la burta neva da Trent.
L’é stat n scomenz de l’an dalbon rie chest per Fascia, che te na setemèma l’à perdù doi joegn maestres de schi endèna che i era da mont su con la pouses. Per doi outes te na setemèma i omegn del socors é stac alerté per portèr didament, e duta doi la outes a aer besegn de aiut l’era n compagn, un del paìsc che i cognoscea, ma duta doi la outes l’empegn, l sforz e la fadìa no à joà a i salvèr.

En sabeda ai 16 de jené, dò che de n muie i se aea binà a Ciampedel, fora da gejia, per ge fèr n ultim ...

La posizions critiches e i dubies de Guido Trevisan e Aurelio Soraruf
Belebon critica su l’iterpretazion data dai esperc Ferrari e Valeruz su la levina en costion e sul fat che Alex Mahlknecht aesse endrezà na conferenza stampa sun Marmolèda per prejentèr l projet del nef impiant dò dotrei dis da l’event, l’é la ousc de Guido Trevisan, patron del Refuge Pian di Fiacons, che é stat beleche deldut dessatà.

De più su La Usc 02 di 15 de jené

Per solit con Sènt’Antone da la Ciampaneles ai 17 de jené vegn desleà l carnascèr ma chest an con l’emergenza sanitèra no sarà possìbol endrezèr desche da tradizion la sègres de Dèlba e Penìa ne portèr dant la mascherèdes e endrezèr la ola de la fortuna te la scola veies.

De più su La Usc 02 di 15 de jené

Alessandro Pellegrin à tout sù ofizialmenter l post de Giancarlo Pederiva che é stat lità president de la Federazion di Studafech del Trentin.
Col nef an 2021 Alessandro Pellegrin da Soraga l’é ofizialmenter l nef Ispetor di Studafech del Distret de Fascia. L tol l post de Giancarlo Pederiva da Poza che l corìa chesta encèria dal 2013 e che ai 30 de otober del 2020 l’é stat lità president de la Federazion di Studafech del Trentin.

La nomina de l’assemblea del Distret de Fascia é jà stata ai 5 de dezember ma dapò ge à volù spetèr la delibera de la Jonta provinzièla per la conferma ofizièla.

Alessandro Pellegrin l’é del 1970, l fèsc pèrt ...

De dezember del 2020 da la pèrt nord del giacé se à destacà na gran levina che à sepolì l refuge Pian di Fiacons e la stazion de l’impiant. Ma, ti egn passé, n’é vegnù jù n muie de autres
L meis de dezember del 2020 se à avert con na nevera da record soraldut te chisc ultimes egn de ciarestìa. Tel cef de la jent l’é più i recorc de invergn con pecia neif che chi per ejempie del 2013/14 o 2008/09 con crevaies de neif. Chest percheche sion leé a na economìa, chela da d’invern, leèda al sport del schi, ai impianc portamont e portoes, zenza la neif sbarèda dai canons no se fossa jic dalonc; l’é tel cef che zenza i canons no se pel più stèr ma besegna ence l freit aldò.
Purampò ence ...

Ai 7 de jené l’é tacà da nef la didatica en prejenza per i bec de la scola auta de Fascia, enceben che al 50%. Per sporjer la situazion miora l’é stat potenzià la rei de conescion e l servije de trasport
Coi prumes de jené, fenì la vacanzes da Nadèl, per i studenc de la scola auta de Fascia l’é tacà da nef la didatica en prejenza al 50%, dò esser stac en didatica da dalonc via per d’uton. Per saer coche la scola se à endrezà aon domanà fora l sostitut Sorastant Claudio Valentini.

Che sort de endrez aede fat fora per tachèr da nef en prejenza?
Claudio Valentini: Chiò a la Scola Ladina de Fascia ai 7 de jené aon fat vegnir i studenc di prumes doi egn e ai 8 chi più gregn di ultimes trei egn, a na ...

La sozietèdes de impianc portamont laora, ence a livel tecnologich, per ge jir dò a la osservazions del Comitat tecnich scientifich. Ma sarèl assà per orir?
Somea che la se slontane semper de più la data de scomenz de la sajon dai schi perveduda con l’ultim Dpcm per i 18 de jené. »No aon amò ciapà nesciuna comunicazion ofizièla, speton la valutazions del Comitat tecnich scientifich nazionèl e l nef Dpcm.« La presidenta del Consorzie impianc portamont Fascia-Ciareja Elisa Maccagni, che aon sentù al telefon angern, mèrtesc ai 12 de jené, no scon l cruzie per chesta situazion de malsegureza. Ence percheche no l'é amò a la leta la valutazions del ...

A Cianacei l'Ale Piva Production de Cervia à metù a jir na scomenzadiva che à portà ence l sostegn al Banco Alimentare.
I bie paesajes piens de neif enstadì l’é stat teater de na bela scomenzadiva de promozion turistica che à leà l’agenzia Ale Piva Production, con senta a Cervia e Milano Marittima con l Trentin. 

L manager romagnol defat inant la festes da Nadèl l’à portà a Cianacei n grop de modeles testimonial per fèr reportajes fotografics e prejenza sui social, ma chest’outa tel mond patinà de la beleza Ale Piva à volù ge meter ence l cher, troan lèrga per la solidarietà.

“Me é pissà che te chest an ...

L’om à abù n burt azident coi schi da mont: demò l’intervent asvelt del Socors Auta Fascia à podù dèr la speranza de l salvèr.
L’é te ospedèl a Trent en condizions grieves Federico Costantino, de 40 egn, gestor de “L Resolé” ta Dèlba, che en vender ai 9 de jené inant mesdì, endèna che l vegnìa ju de Contrin, a na auteza de presciapech 1700 metres l’à perdù l control di schi e l’é sutà jù con n saut de n bon pec de metres, ruan te anter i èlbres. Bon che n om à vedù l’azident e l’à chiamà sobito l 112, l’era entorn 20 a les doudesc, se no olache Costantino é sutà jù fossa stat dassen senester che zachei posse l veder.

...

Tel prum numer de La Usc de l'an nef dajon na veièda ai evenc che à portà Giuseppe Detomas a l'encèria de Procurdaor.
Del 2020 jìa fora i mandac di raprejentanc di Consees de comun e del Comun general de Fascia: se no fossa ruà l Covid chest segur l fossa stat l’event più emportant e de peis de l’an.

La litazions era pervedudes ai 3 de mé e la desvaliva formazions politi­ ches aea jà tacà a se troèr per meter jù e lurèr fora i programes, se aea ence jà sentù vèlch ousc sui candidac possiboi, per l’encèria de Procurador l’era ciutà sù i inomes de Michele Anesi e Armando Bez. Ampò l’emergenza sanitèra à ...

L 2020 l’é stat n an critich per l’istituzion culturèla de Fascia, con contrasć e gregn mudamenc, ampò rich de atività e fruc
L’an 2020 te l’Istitut Cultural Ladin se à avert con na costion che à soscedà discuscions e che dapò l’à creà contrasć e spartijons. A ge dèr fech al stopin l’era stat, amò de november del 2019, la dezijion palesèda dal Conseier ladin e secretèr politich de la Sociazion Fassa Luca Guglielmi de fèr n dessegn de lege amò de jené per passèr l’Istitut Cultural Ladin sot la gestion aministrativa del Comun general de Fascia. Na proponeta critichèda, prum de dut percheche no l’era stat sun chest ...

Tel temp de Nadèl la Cassa Rurala Dolomites à dat fora 300 paches de magnadiva desche aiut concret per la families en dificoltà
N pach pien de solidarietà. N aiut concret e atif per 300 families de Fascia, e medemo l’é stat fat per autertanta families di raions del Primier e de Belun, n sostegn alimentèr per chi che te chest moment storich particolèr se à troà en dificoltà.

La Cassa Rurala Dolomites à pissà n projet inovatif per no lascèr soules la families più sensiboles.

»Nesciugn cognea restar endò e coscì la Cassa à fat descheche se fasc te na gran familia, soscedan l’intervent de valch realtà de volontariat che ...

L’avocata Rosa Rizzi, componenta fascèna de la Comiscion di 12, ne met en consaputa di vèresc fac da chest organism te l’an 2020
Al scomenz de l’an passà l’avocata Rosa Rizzi da Sèn Jan é stata nominèda componenta de la Comiscion di 12. Ge aon domanà coluna che l’é stat la costions toutes dant da chest organism via per l’an 2020.

»La Comiscion – ne à dit l’avocata Rosa Rizzi – à portà a compiment positivamenter l prozess de mudament del Statut spezièl del Trentin Sudtirol per chel che vèrda l’istituzion de la Sezions de control de la Cort di Conts de Trent e Busan e de sie personal.

La giustizia contabola defat se troèa en ...