La Usc di Ladins

Ai 15 y 16 de merz él indô gnü a s’al dé le "Dreiländer Vergleichskampf" de biatlon, na gara suraconfin nasciüda dl 2022, cun la partezipaziun de atletes y atlec de Südtirol, Tirol austriach, Paiern y Svizera. L’ann passé ê la gara gnüda tignida tl zënter de paslunch a San Ciascian; en chësc ann éssera messü ester fora en Tirol, mo deache al falâ nëi, él sté le "Bayerischer Skiverband" che á surantut y á metü a jí les competiziuns a Finsterau. Ales competiziuns podô tó pert i 5 mius atlec y atletes de 12, 13, 14 y 15 agn, aladô di campionac de so raiun, y chisc s’á mosoré te döes gares, acompagnades da n tëmp plülere da nio, da nëi y da vënt. Chësc n’á indere nia sprigoré plü che intant i concorënc, gnanca chi ladins, che á dé döt por arjunje un di scalins sön podest. Y chësc ti é garaté te plü categories.

Arjënt á davagné le gherdëna Adam Oberhauser y Peter Granruaz dl’Alta Badia Nordic tla categoria S12
Brom por Madleine Joey Costamoling dl Alta Badia Nordic tla S12
Dui iadi brom por Ivan Willeit dl Alta Badia Nordic tla categoria S13
Brom por Luca Aricò dl Alta Badia Nordic tla S15

Deplü t’La Usc di Ladins di 21 de merz  (pablo)