La Usc di Ladins

L 18 de merz ie stat n di de gran note per l Aiut Alpin Dolomites: dala ot da duman à la zentrela fat al savëi che l passerà na ambulanza dla Crëusc Cuecena tla sënta a Puntives, che menova adalerch na jëuna cun na crisa de iperglizemia. Do la valutazion dl dutor à chësta pudù furné inant cun l’ambulanza nchin tl spedel de Persenon.
Plu tert àn cherdà l joler sun Plan de Gralba per un dai schi che se ova trat na sciabla ora de luegia y batù l cë. L ël dla Talia ie unì menà cun l joler tl spedel de Persenon.
Do marënda à n’ambulanza menà adalerch tla sënta na jëuna che ova sanch de nes – do la valutazion dl dutor àla pudù furné inant cun l’ambulanza nchin a Persenon.
Riesc do àn cherdà l Aiut Alpin a Urtijëi, per n jëunn cun n atach de granfs. Do la prima cures àn sëurandat l pazient a n’ambulanza.
Domesdi fòva n ël ruvà sot a na levina sun Pordoi–l joler ie ruvà permez ma à riesc inò pudù dé ëuta, ajache l ël fova bele unì giavà ora y ne se ova per fertuna fat nia.
Daldò iel mo stat n ntervënt sun n purtoi a Corvara per n’ëila che fova tumeda cun i schi, che n à menà a Burnech.
Da sëira àn menà a Bulsan n ël che fova tumà bele domesdì cun i schi: si cundizion fova unida plu stleta y grieva. Tosc do ie unì adalerch tla sënta mo n jëunn che fova frit adum cun zachei domesdi. Cun suspet de n trauma al cë y cervel l àn menà cun l joler a Bulsan te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper