La Usc di Ladins

Passa 700 mitans y mituns s’â anunzié por les finales dl campionat provinzial VSS, preodüdes ai 22 y 23 de merz sön la pista "Spitzbühl" de Munt de Suc. I organisadus dl ASC Seiser Alm s’á veramënter porvé y á ince fat de döt por che al podess deventé na festa dai schi. Scebëgn che ai â arjigné ca döt a pontin, n’âi nia fat i cunc cun le tëmp, che á metü zacotan de bastuns danter les rodes. La sabeda án messü sposté döes les gares y la domënia án messü nen anulé. Por ci che reverda les categories che ti l’á fata da pié ia y taié le travert, él indere impó garaté de buniscimi resultac, dantadöt por le ASC Al Plan, che á podü se ralegré cun dui campiuns provinziai. Tla U10 di mituns él sté Andrea Clara che á metü sö le miú tëmp cun 55,60. Tla U12 dles mitans á Sofia Erlacher podü trá le salt söl scalin plü alt, cun le tëmp de 57,71.

Deplü sön les gares y sön i resultac ladins podëise lí t’La Usc di Ladins di 28 de merz  (pablo)