La Usc di Ladins

Gran bon ejit à abù l cors de acherle che l’Union di Ladins de Fascia à metù a jir fora per i meisc de firé e mèrz. Sot la vida de Carlotta Pederiva Brògnola, doi gropes de femenes se à binà vigni mercol e jebia te Ciasa de la Moniaria a Sèn Jan per lurèr fora a acherle na belota picola tascia. L é stat n bel moment per se troèr ensema, ciacolèr per fascian e emparèr zeche da nef.
En ocajion de la festa de Sèn Giosef, l’Union di Ladins à manà fora sui social n curt filmat de la raida endrezèda dal President Fernando Brunel fora la Krimmler Tauernhaus del 2023. L’ocajion la passenea ghenao jà che Sèn Giosef, apede a esser la dì de la festa del père, l é ence l sènt patron di artejegn e donca ence de chi lurieranc che partia proprio entorn Sèn Giosef per jir al Lònt a se vadagnèr n carantan, passan belimpont ence per la Krimmler.

De più su La Usc stampèda de en vender ai 21 de mèrz.

L video é da poder veder su youtube de TV Ladina dal link: https://youtu.be/LvUlVfH7GHM?si=sv7vmRxmZM6xELD  (Nives Iori)