La Usc di Ladins

En jebia ai 13 de mèrz te la sugestiva cornisc del tobià de la Majon di Fascegn, l é stat prejentà la neva colezion de Aurona Ores Jewels, dedichèda a la prinzessa Luianta. La sala, enlumenèda da lumes fiegoles, ge à lascià lèrga ai preziousc, anter veiores cassabenc, col creèr na atmosfera magica e zenza temp. Do l salut istituzionèl de la presidenta del Istitut Cultural Ladin Tea Dezulian e de la diretora Sabrina Rasom, la lejenda de Luianta à ciapà vita de gra a la performance teatrèla de Loreta Florian, che ge à dat la ousc e à fat la regia e Sara Bernard che à interpretà, ciantà e sonà l flaut. Lumes e sons à fat ite l publich te na esperienza fora de anter, l portan con forza e poejia tel ream de Fanes.


De più su La Usc stampèda de en vender ai 21 de mèrz.