Culëures, guanc lucënc y mujiga

Data

27 de merz 2025

Galaria retrac

Grandeza scritura

Social

Passa otanta balarins y balarines da duta l'Europa ie ruvei chësc ultim fin dl'ena te Gherdëina per tò pert ai prims Campiunac nternaziunei dla Talia »GOLD« de line dance. On rujenà cun la urganisadëura Leilani Legaspi che nes à cuntà coche la ie jita y de tan rie che l ie a fé balé chëi de Gherdëina

Chëles dai ciapiei y ciauzei che bala mujiga country da sëules. Nscila cunëscen l’ëiles dla lia »ASD BaL Beat and Line« te Gherdëina. Ma che l ne se trata nia mé de mujiga country, ma de n mond da culëures cun d’uni sort de bai, chël àn udù chësc ultim fin dl’ena a Urtijëi. Tla Cësa di Cungresc à la lia »ASD BaL Beat and Line« de Gherdëina metù a jì dai 21 ai 23 de merz i Campiunac nternaziunei dla »GOLD–Global Organisation of Line Dance«. L se tratova di prims Campiunac tla Talia de chësta sort y aldò dla urga nisadëures ne sarai nce no i ultims.

Coche la ie jita ti ons damandà ala urganisadëura Leilani Legaspi dla lia »Bal Beat and Line« de Gher dëina. Ëila sta bele da passa vintcin’ ani incà te Gherdëina y sà monce da rujené n bel ladin. Nce sce l ne n’ie nia saurì, uelela purté mpue de cha cha cha, walzer y country te nosta valeda.

Elisabeth Kostner

La ntervista tla edizion nueva de La Usc di Ladins de duman n vënderdi ai 28 de merz.

Galaria retrac

Chëles de Gherdëina che à metù a jì la manifestazion à n sada sëira fat n pitl spetacul che passenova cun la tematica dla sëira »l fova n iede«.

View the embedded image gallery online at:
https://www.lausc.it/valedes-ladines/gherdeina/29177-culeures-guanc-lucenc-y-mujiga#sigProIdcdc7cc6bee

Derevers su insom

La Usc di Ladins

Plata dla Union Generela di Ladins dla Dolomites
31.03.2025 www.lausc.it