La Usc di Ladins

En domenia ai 4 de mé i litadores de Fascia sarà chiamé a litèr ence per la neva aministrazion del Comun General de Fascia. Ensema a la zedola per sie Comun i ciaparà ence chela per l maor Ent aministratif de la val.
Per chesta litazions se à prejentà trei listes e doi candidac a l encèria de Procurador.
La lista »Neva UAL« met dant desche candidat procurador Amedeo Valentini, che te chisc 5 egn l à corì l’encèria de Conseier de procura a la cultura, politiches linguistiches e politiches per i joegn te l’Aministrazion vidèda da Giuseppe Detomas.
De contra l é l candidat procurador Edoardo Felicetti, che l era stat ombolt de Moen dal 2015 al 2020 e l é sostegnù da doi listes: »Fassa« e »Autonomia per Fascia«.

Podede lejer duc i inomes di candidac e de la candidates su La Usc stampèda de en vender ai 21 de mèrz.  (Monica Cigolla)