La Usc di Ladins

»Perdrët ie la persona n stlet laurant de verzon. Ne maion nia su i parassic, ne cauton nia y ne son dut ntëur nia de utl«, à dit Alexander Huber n ucajion dl referat che l à tenì tla biblioteca de Urtijëi, n merdi dl’ena passeda ai 11 de merz.

Ël à mparà si mestier tla Laimburg y da ntlëuta incà àl nce for metù verda a coche n dëssa fé a lauré l verzon te na maniera naturela: »Tla natura à dut si lerch, nce i parassic à na rejon de vester. Y perchël ie l sucrët chël, de ne fé nia de massa, de ti lascé lerch ala natura«. Y propi chësc fova nce l argumënt de si referat che ie stat scialdi nteressant y de utl per duc chëi che ie unic a scuté su.

»Nce l plu pitl catl de ciofs ie perdrët n verzon«, à Alexander Huber auzà ora. Sce la ie nscila, pona ne n’àn nia debujën de n gran pra, l basta nce mé n balcon, y chël uel dì che belau duc possa se lauré su la mans cun la tiera y se ralegré de chël che crësc y flurësc te si pitl verzon.

Elisabeth Kostner

L articul va inant tla edizion nueva de La Usc di Ladins de n vënderdi ai 21 de merz.