La Usc di Ladins

Les lites comunales ai 4 de ma sará le mëteman de n capitul nü por le Comun de Badia. Le mudamënt maiú gnará a s’al dé cun le barat dl pröm zitadin, che ne s’á te chësc comun dialalungia nia mudé. La crëta da capocomun ti é jüda a Iaco Frenademetz por le pröm iade tres les lites dl 2009, por gní confermada danü cun lites dl 2015 y dl 2020.

Por 16 agn á l’aministraziun co­munala de Badia albü al volann Iaco Frenademetz, che á por trëi iadi indolater arjunt la maioranza dles usc. Cun les lites nöies indere, vëgnera da tó comié dal ombolt, che é sté por na spana lungia de tëmp al sorvisc dla comunité – 35 agn d’ativité y de sorvisc te Comun de Badia pón cumpedé indöt: 10 agn sciöche mëmber de Consëi, 9 agn te Junta y tlafinada 16 agn sciöche ombolt.

Deboriada ciarunse cun l’ombolt Iaco Frenademetz derevers a chësta spana de tëmp por fá bilanz.


L'intervista al ombolt Iaco Frenademetz ciafëise da lí tla ediziun nöia da incö, vëndres 21 de merz!