La Usc di Ladins

L tëmp ne metova nia drë’ bon. Do n’ena de plueia y nëif ne savòven nia coche la trasses tl bosch de Cian­ devaves ëssa tenì. Per fertuna àl daduman fat ju n valgun zentimetri de nëif y nscila ne fova la cundizions nia tan stletes. N gran cumplimënt ti va ai respunsabli che à anjenià ca dut a puntin y à abù n drë’ lëur, nscila che duc i passa 250 atlec à pudù se musré sun la trasses danter i 0,7 y i 10 chilometri.

I resultac di mëndri
La categuries di plu pitli fajova una o doi raides dl stadio de Pana y tlo fòvel truep mutons y mutans che à fat pea, danter chisc vel’ un:a dl Schi Club che garejova per l prim iede. N bravo a duc chisc pitli! Da auzé ora iel tlo dantaldut l prim post de Elias Hofer che à nscila davanià l titul da campion provinziel. Scialdi butà ti àla nce a David Oberhauser che ie ruvà cuarto y a Adam Rabanser che ie ruvà sesto.

Per l Schi Club Gherdëina, Simone Hofer

L articul sarà da liejer tla edizion nueva de La Usc de duman vënderdi ai 21 de merz.