La Usc di Ladins

Dotours
Dutor Gherdëina
L dutor de servisc da n sada ai 15.03. dala 08:00 daduman nchin la 08:00 daduman de n lunesc ai 17.03. ie l dutor Simon Kostner de Sëlva, tel. 347 2297492
Doturs Val Badia
Tla fin dl’edema di 15 y 16 de merz él en sorvisc ti comuns de Mareo y San Martin la do­­turia Margarete Mahl­knecht, La Val, tel. 349 066 7034 o 0474 523018. Ti co­muns de Badia, Corvara y La Val él en sorvisc le dotur Giovanni Crivellaro, La Ila, tel. 348 0014266.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 14.03. nchin n vënderdi ai 21.03. ie chëla de S. Cristina, tel. 0471/ 7921 06 o 333/1776615 (orar de giau­rida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 14 de merz dales 19:00 al vëndres ai 21 de merz ales 19:00, é chëra da San Martin/Picolin, tel. 0474 523020.

Chino
Atualmënter
Literakino
Ntan l mëns de merz, for de vënderdi dala 20:00, vëniel mustrà de biei films tla bilblio­teca de San Durich a Urtijëi. L prugram plu avisa ie da abiné te biblioteca.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 27 de merz. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
14.03.
Deberieda:

• 
•  

View the embedded image gallery online at:
https://www.lausc.it/manifestazions-y-evenc/29078-manifestazions-atuales#sigProId99ea80e097

Jita sun Col Raiser
N se anconta ncuei, vënderdi ai 14 de merz dala 14:00 dan la Cësa de Paussa a Urtijëi, per jì deberieda sun Col Rai­ser. Da to pea iel de bon ciau­zei y guant adatà per l inviern. »Deberieda« ie na grupa che mët a jì ancuntedes danter ulenteres y persones che à pro­blems psichics o de sozia­lisazion.

Avisc
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions online per l ann 2025/26 ie daviertes nchin ai 31 de merz sun my.civis.bz.it. Per la iscrizions iel debujën dl SPID. Coche uni ann puderàn crì ora danter de plu strumënc, cianté, muvimënt y bal.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Cors de tango
L Comun General de Fascia, en colaborazion con ASD Tango al buio, endreza n cors per scomenzèr a balèr l tango argentin con ensegnanc col diplom nazionèl e interna­zionèl, la pruma lezion é en jebia ai 20 de mèrz da les 19:00 a les 20:00 te Oratorie de Poza a Sèn Jan. Info e prenotazions al 347 0194799 o tango.albuio@gmail.com.
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta: ai 19.03, ai 30.04 e ai 28.05. Info al 389 1122243, ence whatsapp, o a sangiovanni difassa@biblio.tn.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
Merz
Iscriziuns ala scora de musiga Val Badia – online
L’iscriziuns ales scores de musiga dla provinzia pón fá dal 1. ai 31 de merz, ma online tres les sorvisc dl’aministraziun provinziala »myCivis« al link https://civis.bz.it/einschreibu ng-musikschule. L’azes al sor­visc vá tres SPID o CIE (cher­ta d’identité eletronica). Informaziuns ciafon te secre­tariat dla scora de musiga a La Ila al 0471 847748 o sot https://deutsche-bildung.pro vinz.bz.it/de/musikschulen
14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën metù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. La iscrizions per Runcadic possa unì fates tres mail a info@njg.it, ncuei ai 14.03. dala 07:00 inant. Nfur­mazions plu avisa sun www.njg.it.
16.03.
I jogolieres su la neif
L grop de jogolieres de Circen­sema endreza en domenia ai 16 de mèrz con scomenz da les 10:30 sun Ciampac n spe­tacol de jogoleria e acrobazies su la neif con n laboratorie dedicà ai bec.
17.–21.03.
Iscrizions »Gaia«
La Lia Gaia mët a jì n proiet da d’instà, per mutons y mu­tans dl 2018-2020 y na se­gonda grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscri­zions vën tëutes su dai 17.03. dala 08:00 inant nchin ai 21.03. tres l formular sun www.pro-gaia.net.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ncuei, 14 de auril dala 20:00 inant tres l link o QR–code che n abina sun l julantin dat ora.

Sport
14.03.
Sellaronda Skimarathon
Incö vëndres ai 14 de merz vëgnel tigní la gara cun les pels incër le grup dl Sela. I partezipanc pëia ia da Sëlva ales 18:00 y an podará i sosti­gní ince a Corvara, dlungia la staziun dl implant »Boé«, dales 18:35 ales 19:35.
14-16.03.
A Moena la 28^ Scufoneda
Dai 14 ai 16 de mèrz a Moena, sun Lujia e Sèn Pelegrin i Scufons del Cogo endreza la 28^ Scufoneda con 400 scric ite con raides, escurscions coi schi da telemark e la cèspes e festes sa mont e te paisc. Tel vilaje sun Sèn Pelegrin se pel proèr debant i materièi de la mior firmes.
21.03.
Trofeo Tita e Marco
En vender a 21 de mèrz la so­ciazion Bela Ladinia en­dreza l 28° Trofeo Tita e Mar­co, garejèda de schi alpinism de net a cobies, da piaz de Vich fin sun Ciam­pedie. I atlec ponta via da les 20:00 tedant a la boteiga Tony Sport. Se pel se scriver ite ence de­sche amatores e pontèr via da soi da les 18:00.

Mujiga
Atualmenter
Dolomiti Ski Jazz
L’Apt de Fascia, Fiem e Cembra col diretor artistich Enrico Tommasini endreza l Dolomiti Ski Jazz. Anché, vender ai 14 da les 18:00 a La Gran Ciasa a Soraga Mar­tina Iori con sie grop, da les 21:30 a La Grenz Carla Marco­­­tulli Quintet; sabeda ai 15 da les 21:00 al Palafiem l é »Alba Armengou Trio« e »Olivia Trummer New Trio«, domenia da les 12:00 a la Baita Checco sun Ciampedie »Jemm Music Project« e da les 15:30 al Bar International a Cianacei »Evi Mair & Friends«.
20.- 29.03.
N’ena de mujiga »Rock the Dolomites«
Dai 20 de merz nchin ai 29 de merz suneràl uni di te n’autra utia o tl luech de Sëlva d’uni sort de grupes. L pro­gram plu avisa ie da abiné sun valgardena.it

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
18.03.
Arpejuns – la basílica de Anpez
Dales 20:50 ca. Program de Giulia Tasser y Hans Peter Karbon, a cura de Alessandro Dapunt.
19.03.
Trail Spezial: Dolomites & marketing
Dales 20:50 ca. Les Dolomites é danter les destinaziuns turi­stiches plü conesciüdes dl’Eu­ropa, sce nia dal monn: i crëps slauris vën frecuentés da jënt de döt le monn, con le recone­scimënt desco patrimone mon­dial dl Unesco á les Dolo­mites ciafé ciamó na maiú visibilité. Emplü á l’evolu­ziun dai social media fat n gran tru tai ultims agn, foto­grafies sön Instagram o Face­book é promoziun por le teri­tore. Por i operadus turi­stics án na domanda empor­tanta: co fá marketing por les Dolo­mites, tan le fá y sön ci mëter le pëis? Domandes co gnará tratades tal Trail spezial, con na con­scidraziun ince dla storia: l’aprijamënt por les Dolomites desco travert de vacanzes é gnü da foradecá, la jënt dl post messâ lauré por se trá le vire, nia jí a crëps o a fá escur­sciuns. Spo é le turism gnü tres plü na fonda­mënta dl’eco­nomia te valades dla meseria. Le svilup di ultims agn endere é na desfida por le turism instës – a cura de Mateo Taibon.
20.03.
Mendret: Fè e pelegrinajes
Dales 20:50 ca. Trei mendran­zes, trei pelegrinajesc, trei desvalives mec de viver e des­mostrèr la fè. Fajon n viac anter tradizions, emozions e vites di pelegrins. Na trasmi­scion che sotrissèa la forza che la spiritualità mantegn amò anchecondì. Program de Matilde Gazzini, a cura de Anna Mazzel.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
14.03.
Juesc ne n’ie nia mé zeche per pitli mutons
 Aaron Demez de S. Cristina y Alex Delucca de Sëlva à una na gran pascion deberieda: l juech. Do vester stac n valgun ani alalongia pra la lia di juesc da mëisa »Trix«, ai giaurì n Escape Room a S. Cristina. Te chësta ntervista conta i doi jëuni dla pedagogia dl ju­ech y de coche n possa cun­lauré y tenì adum fajan damat, nce coche jënt adulta. Tras­miscion de Sofia Stuflesser
15.03.
Momënc de vita – Intervista a Konrad Castlunger
Dales 19:05. Konrad Castlun­ger è nasciü tl 1937 sön le Lüch de Sompunt a Badia. Al é chersciü sö te na gran familia, olache düc i mituns á tres daidé sön le lüch da paur. Cun 14 agn él jü a lauré sciöche lerner pro n tistler a Badia y da dailó inant ál lauré sciöche tistler. Konrad Ca­stlunger nes cunta dla vita sön le lüch da Sompunt, de so laur sciöche tistler y de süa ativité tl ciamp dl turism cun süa fomena. N program de Erika Castlunger.
19.03.
Persones e curiositèdes: Valentina Rossetti
Dales 19:05. La pruma ela a fèr scola de schi te Fascia l é stat Valentina Rossetti, na ela feruscola e deribolenta che aea semper n grignot per duc seben che sia vita no sibie stata tant sorida. Ge piajea jir coi schi, l à tout pèrt ence a valguna garejèdes, de 16 egn l à scomenzà a fer scola de schi e da sera co l’Ape la jia a portèr fora pesc per la boteiga de familia. L à didà ence a meter su la crousc sun Sas Pordoi del 1962 e trop de auter che ve sporjaron te chest program. Program de Anna Mazzel e Anelise Vian.
20.03.
I jenis tla storia: Wolfgang Amadeus Mozart
Dales 19:05. Le organist y dozënt universitar, Franz Com­­ploi nes cunta te chësc pro­gram dla personalité sciö­che ince dl’opera de W.A.Mo­zart, n talënt musical che á revoluzioné le stil classich. N program de Sara Frenner.
Informaziuns plü menüdes sön i programs radio y televi­jion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Mostres y Ert
Atualmënter
Crëps
La mostra de Riccarda de Eccher, che mostra acuarei dla Elpes y particularmënter dla Dolomites che devënta prutagonistes de si lëures, ie da udëi nchin ai 29 de merz tl Tublà da Nives te Sëlva. Orar: Uni di ora dl lunesc, 15:00–18:00.
Atualmënter
Ziclus – ert cun la natura
Per »Kunst im Gang[e]« à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc – vënderdi 08:00 – 12:00 y de juebia domesdi, dala 16:00–18:30. Nfurma­zions plu avisa: Elisabeth Frei, 333 455 62 36.
01.03.
Mostra »Mëter mans«
Tl self dla mostres tla Cësa di Cungresc a Urtijëi saràl da udëi la mostra »Mëter mans – artejanes de Gherdëina conta«, che lieia opres de 25 artistes. La mostra resterà da udëi nchin ai 16 de merz, uni di dala 10:30–12:30 y dala 16:00–18:00.

Teater
Atualmënter
Teater tl Vinzentinum
L teater di maduranc:andes dl Vinzentinum «Mord im Klosterhotel» vën purtà dant tla sala Parzival dl Vinzen­tinum y plu avisa ai 15, 16, 21, 22, 23 27, 29 y 30 de merz. I orares ie da abiné sun la pla­ta vinzentinum.it. La ntre­da ie a dunfierta liedia.
14.03.
»Reset ... y düt mët man danü« a San Martin de Tor
Le toch da rí de Roman Frankl y Michael Niavarani é gnü metü tl ladin da Matteo Ru­batscher, che fej ince la regia. Les rapresentaziuns sará chisc dis: vëndres ai 14 de merz dales 20:00, domënia ai 16 de merz dales 20:00, mertesc ai 18 de merz dales 20:00, sa­beda ai 22 de merz dales 20:00 y domënia ai 23 de merz dales 15:00. Les prenota­ziuns vëgn tutes sö al numer de telefon 0474 646030.
20.03.
Sajon teatrala de Fiem
Per la sajon teatrala de Fiem, en jebia ai 20 de mèrz da les 20:45 te teater de Tieser, Agidi met dant l spetacol »Operaccia Satirica-La guerra dei sogni« de e con Paolo Rossi, muse­ghes de Emanuele Dell’Aquila e Alex Oricari e con Caterina Gabanella.

Cursc
Atualmënter
Iscrizions curs de tudësch
L Cumité per Ntegrazion Gher­dëina deberieda cun i chemuns mët a jì n curs de tudësch per chëi che sa bele mpue–dai 2 de auril inant uni lunesc y mierculdi, 9:00–11:00. La prima ancunteda sarà tla biblioteca de San Durich, daldò for tla Cësa du Cungresc a Urtijëi. Iscrizions: nchin ai 28.03. te biblioteca. Cost (per 32 ëura): 70,00 €.
Atualmënter
Fit tl cë cun juesc y devertimënt
L KVW Urtijëi nvieia ëi y ëiles sëura i 60 ani a chësta ancuntedes per mantenì na bona riazion, memoria y cun­zentrazion, cun la referënta Isolde Senoner. La ancuntedes va inant mo trëi iedesc tla Bi­blioteca de San Durich a Urtijëi, for de juebia dala 09:30 nchin la 10:30.
18.-25.03.
Curs de ginastica lisiera
Curs cun la fisioterapista Albina Pescoller por mioré la forza, la condiziun, la mobilité y la coordinaziun, i dis mertesc ai 18 y 25 de merz, al 1. y ai 8 de aurí dales 19:30 ales 20:30 tla palestra da Lungiarü. Cost: 40,00 euro por mëmbri dl KVW Lungiarü, 48,00 euro por i atri partezipanc/tes. Iscriziuns pro Annamaria al nr. 338 7375305.
03.04.
Curs da inrissé üs
En jöbia ai 3 d’aurí dales 19:00 ales 20:30 vëgnel metü a jí, tl Ciastel de Tor a San Martin, n curs da inrissé üs. Referënta é Rosmarie Verginer. Le cost é de 10,00€ a ce, i posć é limi­tá. Les prenotaziuns vëgn tutes sö al 339 3115679.

Religion
22.03.
Schiera Junila
Tl self dla Schiera Junila tla Calonia de Sëlva vëniel mustrà n bel film, per mutons:ans dla terza tlas dla scola elemen­tera insù y jëuni:es dla mesana. N se anconta n sada ai 22 de merz dala 16:00.

Temp Lede
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada inte­rativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
14.03.
Sellaronda Skimarathon
Ncuei vënderdi ai 14 de merz dala 18:00 inant uniràl a s’l dé l Sellaronda Skimarathon, che pëia via y fina te Sëlva. Na bela ucajion per passé a cialé.
14.03.
Pudejé da luna colma
Tl zënter sun Pana puderàn ntan la sëires de luna colma de chësc inviern jì a pudejé debant. La proscima sëira ie ncuei vënderdi, 14 de merz dala 20:00 inant. L mprëst dai schi ie daviert.
18.03.
Sommelier sön pista
En mertesc ai 18 de merz vëgnel pité na roda cun i schi, cun na degustaziun de vins adöm a n maester de schi y n sommelier de Südtirol. I parte­zipanc pëia ia dales 13:45 dal Piz La Ila, por storje pro te döes üties dl raiun dai schi. Prenotaziuns ti ofizi turistics dl’Alta Badia.
18. y 20.03.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schipass, la cherta de plü dis o an pó ince cumpré na cherta por chë sëra.
19.03.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
19.03.
Nos Ladins cun Gemma
Cun »Nos Ladins« án la posci­bilité da descurí deplü sön le monn ladin y i mistiers de nosta jënt. En mercui ai 19 de merz pón imparé da fá a spëi cun Gemma, a Calfosch. Iscriziuns y informaziuns on­line o ti ofizi turistics dl’Alta Badia.
19.03.
Cun le iat dala nëi
En mercui ai 19 de merz pón se fá na roda cun le iat dala nëi, pro la pista »Boé« a Cor­vara, y odëi sciöche al vëgn arjigné ca les pistes. An pëia ia dales 17:20 y dedô pón ince se gode n bun aperitif. Iscri­ziuns ti ofizi turistics dl’Alta Badia.
20.03.
Cun la gücia da sëra
En jöbia ai 20 de merz pón se fá na roda cun la gücia da sëra, fora por le tru di artisć anter La Ila y San Ciascian. An pëia ia dales 20:45 da Altin demez y an podará amiré les operes di artisć ladins ilomi­nades. Iscriziuns y infor­ma­­ziuns online o ti ofizi turi­stics dl’Alta Badia.
20.03.
Sëira de juesc cun la lia TRIX
Tl local »Saut« dla Nëus Jëuni Gherdëina mët la lia Trix a ji na sëira cun juesc da mëisa, n juebia ai 20 de merz dala 20:00 inant.
22.03.
Spring Race Party a Urtijëi
Do la gerejeda dl Spring Race uniràl a s’l dé – domesdì via – la Spring Race Party tl zënter de Urtijëi, cun de bela mujiga; bars, butëighes y restauranc dajerà ora zeche de bon da maië y da bever. L devertimënt ie assegurà!