La Usc di Ladins

Tla fin dl’edema passada él sté sön l’Abetone les finales dla 43ejima ediziun dl trofé »Pinocchio sugli sci«, che á odü la partezipaziun de atletes y atlec da döta la Talia. Tó pert podô i mius 8 mituns y les mius 7 mitans de vigni categoria – sön basa regionala. Danter i cualificá êl ince 6 atlec dl Schiclub d’Al Plan, che á podü jí al start pro le »Gran Gigante« y se mosoré insciö cun i mius dla Talia. Al é gnü desfiré döes gares por vigni categoria y premié gnôl i pröms 10 pro intrames les gares. Implü ince la velozité mascima di atlec, te n pice toch de gara definí. Dër bun ti ésera jüda a Simon Pal­ frader y Toni Erlacher, che á intrami garejé tla categoria U10 y é ince rová pro medaies.

Deplü podëise lí t’La Usc di Ladins di 14 de merz  (pablo)