La Usc di Ladins

»Nosc travert fova chël de ruvé ti playoffs. Ala fin muessen dì che l ne manciova nianca no plu cin’ menuc y ti l’assan belau fata, ma purempò iel da dì che coche se on mustrà ntan la sajon fova na delujion«, chëstes la paroles tleres dl presidënt Walter »Baldo« Ploner. »On cumprà ite jugadëures che minan che fosse al’autëza de na Alps, ala fin ne fova i furesć nia boni assé. Povester iel nce stat fauz a tò cater pecs, ma dantaldut manciòvela tla cualità. Cialan i video semiovi drët boni, ma l ie nce da dì che la Alps ie jita su de cualità y che jugadëures, che fossa dan ani mo stac boni assé, ne fej śën nia plu la desfrënza.« Ploner lecorda sambën che n à messù sparanië y che la fertuna ne fova ënghe nia dala pert dl HCG, dan­taldut cun de plu jugadëures che se à fat mel o che fova amalei ti mumënc plu mpurtanc.

SPM

L articul va inant tla edizion atuela de La Usc di Ladins.