Dai sies ai nuef de merz fova Sëlva tl sëni di Carabiniers. Dlonch fova da udëi ëi y ëiles n mondura, sportifs, autoriteies y njins dl'Erma. "Na manifestazion nueva che", nscila l prim zitadin de Sëlva Roland Demetz, "pudëssa deventé na tradizion. L Zënter de Adestramënt te Val à bele da for incà nsenià ju sportifs y nce Carabiniers, che à pona dat si cuntribut mpurtant tla vita da uni dì, tl sucors sun i purtoies y nia mé", nscila Roland Demetz.
Te chisc dis ne n'iel nia mé stat garejedes, n à nce ulù crì l cuntat cun la jënt da tlo y cun i seniëures. Coche nes à fat al savëi l General Massimo Mennitti, se adròvel jënt spezialiseda per lauré ti luesc da mont, l ie debujën de d'autra cumpetënzes che nzaul d'auter. Cun chësta manifestazion àn nce ulù mustré su tan daujin che n ie ala populazion y ce servijes che n pieta. "I Carabiniers ie tlo per la jënt per ti judé", chëstes la paroles dl General.
SPM
L articul ntier de chësta manifestazion iel da liejer tla edizion atuela de La Usc.
