La Usc di Ladins

Ai 4 de merz àn cherdà l joler a La Ila ulache na turista fova frida adum cun n auter y se ova fat n trauma al cë y cervel. N la à meneda tl spedel de Bulsan, coche nce n’ëila che fova tumeda, che n à ciarià plu tert sun Mont de Sëuc.
Daldò iel stat n ntervënt a Réba, ulache n mut se ova rot la lesura dla man. N ie julei limpea tl spedel de Burnech, ulache n à nce menà n’ëila che n à ciarià tl tert domesdì a Colfosch per n’emergënza sanitera.
Ai 5 de merz daduman ie l joler cueciun unì cherdà a Cortina, ulache n mut de 11 ani fova frit cun i schi te na rë dlongia l lën. L mut ie unì menà – deberieda cun si pere – tl spedel de Belun.
Tl prim domesdì iel stat n ntervënt te Val/Sëlva, per jì a tò doi schialpinisć che se ova tenì massa a man drëta ju per la Val Lietres, ruvan te cherzuei: i ne fova nia plu boni de jì no suvier no juvier. Debe­rieda ai Judacrëp Gherdëina i àn trac su tl joler cun la binda.
Plu tert iel mo stat na emergënza sanitera a S. Cristina.

De plu tla edizion stampeda de La Usc di Ladins o sun l e-paper a paiament www.lausc.it/e-paper