La Usc di Ladins

En vëndres ai 7 de merz, á les mëmbres dla lia »Patrones de Badia« indô sostegní la »Primelaktion«, n’iniziativa a fin de bëgn organisada dal movimënt Ëres­SVP a livel provinzial. Da 15 agn incá partezipëia la lia al’aziun cun la venüda de ciüfs sön plaza da parché dan dala ciasa de Comun a Pedraces. Passa 500 ciüfs á les mans dla jënt dl post pié do, por n incas sura i 1400 euro, che jará sciöche spenora ala promoziun dl’inrescida dl crebesc. Daidé do ala garatada dl’aziun, jüda fora damí co i atri agn, á ince le tëmp y les temperatöres cialdines bonories, che descëdala vöia d’aisciöda y condüj le pinsier t’urt.

Deplü noeles en cört ciafëise da lí tla ediziun nöia de vëndres, ai 14 de merz!