La Usc di Ladins

Demò a Cianacei e a Mazin ai 4 de mé i sentadins podarà cerner anter doi listes desferentes. Ti etres 4 Comuns fascegn i arà dedant una soula opzion.
A Moena, a Soraga e a Sèn Jan se met dant demò l ombolt che à ret l'aministrazion ti ultimes 5 egn: Alberto Kostner, Valerio Pederiva e Giulio Florian no i cognarà donca se confrontèr con nesciun "aversarie", fora che col quorum di litanc. Medemo ence per l candidat ombolt de Ciampedel, Alessandro Bernard, vizeombolt ti ultimes 5 egn che l à ciapà l testamonech dal capocomun Ivo Bernard.
A Cianacei enveze Giovanni Bernard, jai 5 egn soul candidat ombolt, l cognarà se confrontèr con Roberto Guglielmi e a Mazin se metarà dant l'endesfida del 2020 anter Fausto Castelnuovo e Manuela Spinel.

Su La Usc stampèda de vender ai 28 de mèrz i inomes de duc i candidac per i 6 Consees de Comun.  (MCI/LG)