La Usc di Ladins

Bele t’La Usc di 28 de forá ves unse cunté plü avisa dl "Gesunder Garten" – l’Urt Sann – n proiet de scora de Emanuel Pescollderungg da La Ila y Elias Mersa da Calfosch. I dui maturanc dla Scora profescionala dl’agricoltöra a Dietenheim á cherié na coltöra naturala, olache ciorda y lana de biscia vëgn moscedá te na mascin aposta y al nen vëgn fora pellets naturai por inculté ciüfs y urc de ciasa. Por la destribuziun dla coltöra á i studënc chirí la colaboraziun cun le Zënter Sozial "La Spona" da Pidrô, y propi dailó él garaté, en jöbia ai 20 de merz, la presentaziun ofiziala dl proiet.

Na desmostraziun concreta de co che la produziun sozed án ciafé diretamënter söl post, olache i assistis Noah Dejaco y le volontar Giorgio Corazzin á mostré dan da n gröm d’edli coriusc co che an moscedâ ite les sostanzes y co che i pellets gnô fora.

Deplü podëise lí y odëi t’La Usc di Ladins di 28 de merz  (pablo)