La Usc di Ladins

Dai 26 de mèrz fin ai 14 de jugn la biblioteches de Fascia e Fiem les ge darà lèrga a la otava Mostra bibliografica ‘Nati per leggere Trentino’. A roda, vigniuna biblioteca la portarà dant passa cent libres per bec e bezes dai 0 ai 6 egn chierii fora dai esperc del Osservatorie editorial ‘Nati per leggere’ Trentin, che à vardà fora più che 1500 titoi dac fora anter l 2022 e l 2023.

»Chest an - ne à dit l responsabol de la Biblioteca de Cianacei Daniele Verra - se aon cordà con duta la biblioteches de la doi valèdes, donca Cianacei, Sèn Jan, Moena, Pardac, Tieser e Cavaleis, per fèr vegnir su la mostra entria. Sarà passa cent libres con duta la fegures che faron śirèr da na biblioteca en l’autra, doi setemènes per om presciapech. Averjarà Sèn Jan, dai 26 de mèrz ai 7 de oril, Moena, dai 9 de oril ai 19, sarà dapodò l’outa de Tieser, Pardac, Cianacei, dai 21 de mé ai 30 de mé, e serarà su Cavaleis.

De più sun chesta scomenzadiva su La Usc stampèda de en vender ai 21 de mèrz.  (Nicoletta Riz)