La Usc di Ladins

Ai 17 de messé dl ann passé él gnü ciafé sön Senes, nia dalunc dala ütia y danter le paisc de munt, na gran bomba de n fligher american, che vá zoruch ala secunda vera. Ara se trata de n afar de za. 1,20 metri, che pësa incër 230 chili. Deache al manciâ lassura i "injins" por jí ciará, él sté i soldas che l’á trasportada cina jö tla val de Mareo, y sopolida tl raiun dla vedla cava. Chësc dê indere ma ester n vare provisor. Sëgn éson tan inant che an la lasciará jí ciará, ci che sozedará l’edema che vëgn, en jöbia ai 3 d’aurí. Al sará i spezialisć dl 2. Reggimento Guastatori da Trënt che manajëia l’operaziun, y por che degügn ne röies al prigo, gnarál döt le de saré jö la val, dales 8 da doman cina ales 18:00. An ne podará passé no cun i auti sön strada, no cun rodes o a pe sön sëmenes y trus.  (pablo)