La Usc di Ladins

Ciao, é inom Francesca e son al prum an de università, son do che frequente l cors de laurea de »Conservazione e gestione dei beni e delle attività culturali«, tel spezifich tel curriculum de Storia de l’èrt a Unejia.

Ma chesta grana e renomèda Università Ca’ Foscari de Unejia, co podessela pa esser? Magari na gran senta del departiment de Bens Culturèi te n gran fabricat storich tel zenter de la zità? Na, per mie cors de laurea la aules les é loghèdes per duta Unejia, vaghe inant e en do per la zità: de spes son te la zona de Zattere/San Basilio, ma posse fèr lezions ence al Auditorium Santa Margherita, Palazzo Rio Novo, Palazzo Moro o, se l é n cors n muie vejin al ciamp de l’economia, tel Campus Economico de San Giobbe.

Chest seghitèr a mudèr aules, che canche l pief maledie, me à dat l met de cognoscer semper de più Unejia, ence te sia zones manco turistiches ma che, desche i posć più cognosciui coche l Ponte di Rialto, Piazza San Marco, Giardini e Arsenale, les é semper maraveouses.

Se pel lejer dut su La Usc nr 12 dai 28 de mèrz: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Francesca Bettega)