La Usc di Ladins

Ince en chësc ann s’á la sajun da d’invern stlüt jö cun musiga, tröc corusc y n’atmosfera, che á porté derevers te d’atri tëmps. L’otava ediziun dl »Ski Carousel Vintage Party«, metüda a jí dala Cooperativa Turistica Alta Badia en colaboraziun cun Alta Badia Brand y Movimënt Skicarosello Corvara, s’á desfiré tl’ultima fin dl’edema sön plü pistes y te n valgügn paisc dl’Alta Badia.

Chësta festa s’á svilupé tl tëmp. Chësc confermëia ince Roberto Huber, diretur de Alta Badia Brand y co­organisadú dl evënt: »Chësc evënt rapresentëia por l’Alta Badia la fin dla sajun da d’invern. Dan da 10 agn â partezipé manco co 100 porsones ala pröma ediziun, nasciüda por na matada. Sëgn s’á l’evënt svi­ lupé y é deventé n apuntamënt sigü, che chërda adalerch nia ma tröpa jënt dl post, mo ince tres deplü sciori y jënt dles valades vijines«.


Inant podëise lí tla ediziun nöia de vëndres 11 d'aurí!