La Usc di Ladins

Vardèr via, valorisèr e ge passèr a la generazions del davegnir n teritorie rencurà e san l é na responsabilità che ne tol ite duc. Con chest spirit l’ApT de Fascia, che fèsc pèrt de l’ATA Dolomites Orientèles, ensema a dut l Trentin, l’à envià via l percors de zertificazion GSTC (Global Sustainable Tourism Council), n standard internazionèl che vidarà l’azienda e la val a n turism più responsabol. Se trata de n projet che tol ite dut l teritorie e che podarà aer suzes demò con l contribut atif de duc: istituzions publiches, operatores del setor, sociazions e sentadins percheche l turism se integree con economia, comunità, cultura e ambient.

En jebia ai 3 de oril, te Sorastanza de la Scola de Fascia, l’ApT à endrezà n moment de confront col teritorie e n laboratorie partezipatif per meter ju prioritèdes e proponetes. A la scontrèda à tout pèrt na cincantina de persones, raprejentanc de duc i setores, da l’aministrazions de Comun, ai istituc de credit, a la Forzes del orden, la sociazions de volontariat, l mond sozièl e culturèl.

Dantfora l diretor de l’ApT de Fascia Nicolò Weiss e Stefania Clemente de Trentino Marketing à portà dant i obietives del projet de zertificazion che vèrda a n miorament de la gestion del turism e del teritorie.

Se pel lejer dut su La Usc nr 14 dai 11 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)