La Usc di Ladins

Se à serà su en sabeda ai 29 de mèrz con la garejèda sozièla la sajon dai schi per i atlec scric ite a la sozietà sportiva FassActive. La garejèdes é states endrezèdes sun cater portoes desferenc. I più picoi à fat n slalom lèrch sul portoi de Bufaure de sora, i superbaby e chi del cors tradizionèl se à dat ju sul portoi de Bufaure de sot, i agonisć e i gregn sul portoi de Valvacin B e amò l era ence chi che à fat freestyle e brea che se à endesfidà tel snowpark.

Do la garejèdes duc se à tramudà te tendon de la manifestazions de Poza olache l é stat la marena en compagnia, con la premiazions di resultac arjonc via per chesta sajon agonistica e festa per duc.

De più con la classifica di miores su La Usc nr 14 dai 11 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)