La Usc di Ladins

Dotours
Dutor Gherdëina
L dutor de servisc da n sada ai 05.04. dala 08:00 daduman nchin la 08:00 daduman de n lunesc ai 07.04. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urti­jëi, streda Trebinger 10, tel. 377/3132223.
Doturs Val Badia
Le dotur en sorvisc ti cin’ co­muns dla Val Badia, tla fin dl’edema di 5 y 6 de aurí, é le dotur Eduard Agreiter, San Martin de Tor, tel. 0474 523 315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 04.04. nchin n vënderdi ai 11.04. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 4 d’aurí dales 19:00 al vëndres ai 11 d’aurí ales 19:00, é chëra da La Ila, tel. 0471 847152.

Sozial
Atualmënter
Bancarela dl mangé 
a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 10 de aurí. Al vëgn dé fora da mangé a dötes les porsones dla Val Badia che á debojëgn.

Atualmenter
Cors de tango
L Comun General de Fascia, en colaborazion con ASD Tango al buio, endreza n cors per scomenzèr a balèr l tango argentin con ensegnanc col diplom nazionèl e interna­zionèl, lezions da les 19:00 a les 20:00 te Oratorie de Poza a Sèn Jan. Info e prenotazions al 347 0194799 o tango.albuio @gmail.com.

Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

04.04.
Radunanza de la 
Sociazion Rencureme
Anché, vender ai 4 de oril da les 16:00 te sala Rovisi del Comun de Moena te Piaz de Sote­grava, la Sociazion Ren­cureme met a jir la radunanza generèla ordenèra de si sozi per portèr dant relazion e bilanz de l’atività del an 2024 e program del 2025. Se pel fèr o renovèr l tesserament a la sociaizon ence te chela ocajion.

04.04.
Ueves da pasca 
per n bon fin
La AIL – assoziazion taliana contra la leucemia – mët a jì ncuei, vënderdi ai 4 de auril, ntan dut l di sun Pitla Plaza de S. Antone la azion di ueves da Pasca, che à l fin de judé y dé n cuntribut ala nrescida n con’ i tumores dl sanch (leu­cemies, linfoms y mie­loms).

11.04.
Deberieda: 
Jita a Laion
N se anconta n vënderdi ai 11 de auril dala 14:00 dan la Cësa de Paussa a Urtijëi, per jì deberieda a Laion. »Debe­rieda« ie na grupa che mët a jì ancuntedes danter ulenteres y persones che à problems psichics o de sozialisazion.

Mostres y Ert
Atualmënter
Mostra – L tier te mé
La mostra dla doi artistes Valentina Andrees-Resche­tizka y Emily Oberschmied dal titul »L tier te mé« sarà da udëi nchin ai 14 de auril tla galaria Vijion a Puntives, dal lunesc nchin la sada dala 16:00–19:00 o cherdan su l numer 338 2098697.

Atualmënter
»PESC«
N ucajion dla mostra tempo­ranea »Die Hutterer« tl Muse­um de Tluses, vëniel metù ora nce na mostra coletiva n cunlaurazion cun UNIKA dal titul »Pesc«.

Atualmënter
Mostra: L mond di mandala
Tl Café Surëdl a Urtijëi iel metù ora na mostra de Erika Senoner, che jirà inant nchin ai 13 de juni, dal lunesc nchin al vënderdi, 09:00–19:00.

Atualmënter
Ziclus–ert cun la natura
Per «Kunst im Gang[e]» à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.

Segres y Festes
05.04.
Festa cun lianies blances
Sal Salei sun sun Sela, uniràl festejà la fin dla sajon da d’inviern cun lienies blances y buandes. Nce de bela mujiga ne daussa nia mancë: The Jam’son sunerà dala 10:00 inant. L devertimënt ie segurà.

05.04.
Festa dla Loches
L Freeride Club Gherdëina mët a jì la festa dla loches sun Plan de Gralba pra l lift Pudra, ai 5 de auril dala 11:00 inant. L dajerà coche for da maië y da bever y sambën ne man­ceràl nia de bela mujiga.

05.04.
Winter Final Party
Pra Col da Mulin te Sëlva uniràl metù a jì na bela festa dala 17:00 inant, cun mujiga di Pëufla, DJ Antonie, DJane ENA und Diegopesx. La ntreda ie liedia y l Schi Club Gherdëina dajerà ora velch de bon da maië y da bever.

Teater
06.04.
Al Plan: teater »Il matrimonio era ieri«
La Nuova Compagnia di Teatro da Bornech inviëia dër bel da gní a ti ciaré ala co­media »Il matrimonio era ieri« de Giuseppe Della Mise­ricordia, adatada y sot la regia de Antonio Loguercio. La rapresentaziun sará en do­mënia ai 6 d’aurí dales 16:30, te salf dles manifestaziuns d’Al Plan.

Mujiga
05.04.
Cunzert dl Cor di 
Jëuni Gherdëina
L Cor di Jëuni Gherdëina nvieia a si cunzert n sada ai 5 de auril dala 18:00 tla dlieja de S. Cristina. N cianterà cianties che unirà purtedes dant al cuncors nternaziunel »Vox Lucensis« a Lucca tla Toscana.

06.04.
Cunzert Lumen
N ucajion di 100 ani dla Mu­jiga de Sëlva vëniel metù a jì n cunzert dal titul «Lumen» tla dlieja de Sëlva, n dumënia ai 6 de auril dala 20:00.

13.04.
Conzert de la 
Musega de Moena
En domenia ai 13 de oril da les 16:00 te teater de Navalge la Musega de Moena endreza l conzert »Scoita scoita che la Banda la te la conta...«.

Referac
05.04.
Zidlé cunici da compagnia 
y da alevamënt
En doman sabeda ai 5 d’aurí dales 16:00 ales 18:00 él tla Ciasa Runcher a Badia n domisdé dal titul »Zidlé cunici da compagnia y da alevamënt«. Referënta é la doturia dai tiers Francesca Mariani. Esperc cuntará i criters de cualité dles razes plü importantes y le zidlamënt de cunici de raza.

07.04.
Schivé bele dantaprima
L KVW de Urtijëi nvieia a na sëira per ëi cun l apotecher Dr. Jörg Aichner, che spie­gherà ciuldì che l ie miec cialé sun sé danora che no curé plu tert y coche n possa stravardé si sanità. L referet vën tenì tl self de calonia ai 7 de auril dala 20:00. La ntreda ie liedia, l ne va nia debujën de se nuté su.

07.04.
Emarginaziun 
soziala y mobbing
En lönesc ai 7 d’aurí dales 18:00 él te biblioteca a Cal­fosch n referac tun la dra. Margarethe Mayr, olache ara nen vá dl tema »Emarginaziun soziala y mobbing – co pói pa traté de te situaziuns?« Le referat s’oj a geniturs che á mituns tla scora elementara. Referat por todësch.

09.04.
Referat sön la 
violënza assistida
»Canche al é violënza danter la mama y le tata, ne pó i mituns nia s’un sciampé. Le drama dla violënza assistida«. Chësc é le titul de n referat cun la dot.ia Giuliana Fran­chini, en mercui ai 9 d’aurí dales 19:30, tl salf di stödafüch a San Martin de Tor.

Avisc
Atualmenter
Gropes de letura te Biblioteca de Comun 
de Sèn Jan
L é nasciù l nef grop de letores Amisc de la Biblioteca de Sèn Jan, debant e avert a duc; l se bina ai 10.04 da les 17:30, info te Comun al 0462 764758 int. 9. Va inant ence l grop de letura per bec »L’isola che non c’è« con Elisabetta Van­zetta, ai 30.04 e ai 28.05. Info al 389 1122243 ence whats­app, o sangiovanni difassa@biblio.tn.it

Atualmenter
Nasciui per lejer te la Biblioteches de Fascia
Te la Biblioteches de Sèn Jan, Moena e Cianacei, ensema con cheles de Fiem, vegn metù a jir mostres, scontrèdes e scomenzadives per ge averjer l mond di libres e de la musega ai bec da 0 a 6 egn. Dai 26 de mèrz ai 7 de oril a Sèn Jan, dai 9 ai 19 de oril a Moena e dai 21 ai 30 de mé a Cianacei. www.natiperleggere.it

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it

Atualmënter
Iniziativa di ëi de 
Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lö­nesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

Atualmenter
Neves oraries biblio 
Majon di Fascegn
Col prum de oril l é jit en doura i neves oraries de la bi­blioteca de la Majon di Fa­scegn che sarà averta de mèrtesc da les 9:00 a les 12:00 e da les 14:00 a les 16:30, de mercol demò da les 14:00 a les 16:30, i etres dis, fora che l vender, su apuntament. I archivies se pel i consultèr demò su apuntament de lunesc e de jebia da les 8:00 a les 18:00.

Uni lunesc
La Coa: ancuntedes 
per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.

05.04.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 5 de auril dala 09:00 nchin la 12:30, tla Cësa de Chemun a Santa Cristina. La roba da vënder possa unì data ju l di dant dala 17:00 nchin la 21:00. Chi che ëssa plu de 5 pec ie periei bel de cherdé su Martina M.: 338 769 4251 (14:00–18:00) o Isabell: 333 748 4567 (09:00- 12:00).

08.04.
Prejentazion de n studie 
per l davegnir
En mèrtesc ai 8 de oril da les 20:30 te sala de Consei de Comun de Sèn Jan a Poza l Servije Sozio-assistenzièl del CGF prejenta n studie de da­vegnir per Fascia realisà travers n percors partezipatif vidà da Francesco Brunori e i esperc de Skopìa che tol dant viabilità, vivibilità, amini­strazion publica e comunanza.

11.04.
Stories y pastelné 
te biblioteca
La biblioteca Sas dla Crusc La Ila inviëia mitans y mituns dla scora elementara a n do­misdé de stories y de pastelné por Pasca. L’ativité se desfirará vëndres, ai 11 d’aurí, dales 15:00 inant.

11.04.
Cena de benefizenza
En vender ai 11 de oril da les 19:00 te tendon de la manife­stazions de Poza i Giagres da Poza e Bambi endreza na cena de benefizenza per tor su bonamans per n bez spezièl e sia familia.

11 y 15.04.
La Ila: Infopoint informatica
Le Consëi de formaziun Badia mët a jí le »Infopoint informa­tica«, che s’oj a düc chi che adora n sostëgn cun computer y fonin. Referënta é Madda­lena Valentini, pedagoga di media. An s’incunta te biblio­teca da La Ila, en vëndres ai 11 d’aurí dales 10:00 ales 12:00 o le mertesc ai 15.04 dales 15:00 ales 17:00. Al é da se prenoté al 347 6880248.

12.04.
L’Aisciuda Ladina aur col recort de Danilo Dezulian
En sabeda ai 12 de oril da les 16:00 te Ciasa de la Moniaria a Sèn Jan vegn avert l’Aisciuda Ladina. Tel 20° cedean da la mort de Danilo Dezulian dal Garber, l Comun General de Fascia ge entitolea la sala al militant ladin e l’Union di Ladins de Fascia prejenta l liber »Tal cher de mie cher« che fèsc descorir sia valuta ence desche poet.

14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
08.04.

La polizia de raiun: 
control y aiüt söl teritore
Dales 13:45. Oliver Kostner, le comandant dla polizia de raiun de Urtijëi nes cunta te chësc program de süa profe­sciun y de valgönes esperiënzes personales liades a so laur. Program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.

06.04.
Gran Premio 
Giovanissimi 2025
Dales 19:05-19:30. Gherdëina à chëst ann metù a jì la finela dl »Gran Premio Giovanis­simi«, la cumpetizion sportiva tla Talia plu mpurtanta de schi per mutans y mutons da 8 a 12 ani. Plu de 1800 atletes y atlec ie ruvei adalerch per se museré tl slalom lerch y snowboard sun i purtoies de Piz Sella y tl pudejé sun Monte Pana y i urganisadëures à metù a jì dut a puntin giapan truepa laudes. Trasmiscion de Alex Runggaldier.

07.04.
Franz Demetz cëla 
de reviers (2)
Dales 20:50 ca. L ie stat am­bolt y cunselier provinziel, cumëmber dla lia di chemuns de Südtirol y dla Fundazion Cassa dl Sparani, ma dantal­dut iel stat ntan duta si vita ost y hotelier, na prufescion che l à fat cun l cuer y la ueia de cunëscer persones y situa­zions nteressantes y dl dut desferëntes. Franz Demetz de S.Crestina à cumplì de jené dl 2025 la bela età de 95 ani y pò cialè de reviers a na vita plëina de ntraunides mpur­­tantes. Program de Leo Senoner.

10.04.
I jenis dla storia: 
Hildegard von Bingen
Dales 20:50 ca. Deboriada cun l’insegnanta, ambascia­dëssa culturala y artista mu­sicala Susy Rottonara, orunse descorí te chësc program la vita dla badëssa Hildegard von Bingen, fajon n salt tl tëmp medieval.
Informaziuns plü menüdes sön i programs radio y televi­jion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
08.04.

Sport Ladin
Dales 20:50 ca. Program de Diego Clara y Hartmann Mair­­hofer, a cura de Leo Se­no­ner.

09.04.
Cult rituai da inier y incö – Santa Luzia e la Delibana
Dales 20:50 ca. Program de Giulia Tasser y Hans Peter Karbon, a cura de Alessandro Dapunt.

10.04.
Nosta Scola – Atualità dala scoles dla valedes ladines
Dales 20:50 ca. Tl’edizion de auril sons jic a ti cialé ala proves dl teater »I musiconc da Brema« dla cuarta y cuinta tlasses dla scola elementera de La Plié da Fodom. Tla rubrica sota l udlon udons te chësta edizion la nsenianta de nglëisc Martina Moser, cun na reflescion sun la mpur­tanza dl nsenimënt dl nglëisc tla scoles. Sëuraprò ti ons fat vijita ala scoles autes de Fascia, ulache na grupa de studënc dl lizeum scienti­fich a stlut ju l cuncors nazio­nel de robo­tica danter la miëu­res dla Talia. Tesc’ y cunzec de Lena Mulser, camera y tai de Hans Peter Karbon, a cura de Ales­sandro Dapunt.

Iadi y Jites
Atualmënter
Iscrizions: viac de doi 
dis tl Lechtal
La grupa KVW de S.Cristina mët a jì ai 23 y 24 de mei 2025 n blòt viac de doi dis tl Lechtal tl Tirol. L vën durmì a Elbi­genalp. De reviers pàssen a Lech y Zürs. Nteressei possa se nuté su pra Emmerich Se­noner al numer 335 57 13 575.
11.05.
Iade a Abano Terme
Dai 11 ai 18 de ma vëgnel me­tü a jí n iade de palsa y cura a Abano Terme, dala Val Badia demez, cun coriera. Le cost é de 730,00€ te cia­mena dopla y 800,00€ te ciamena singola (ponsiun plëna). Informaziuns plü avisa y prenotaziuns anter i 5 de ma pro Monica Costa, al 0474 590069.

Temp Lede
04.04.
Storia de 15 menuc
Tla biblioteca de San Durich a Urtijëi liejerà Karin dant na storia de 15 menuc, ncuei, vënderdi ai 4 de auril dala 15:00.

04.04.
Nuet longia dla biblioteches
Nce la biblioteches de Gher­dëina sarà daviertes ncuei, 4 de auril, nchin ala 22:00 n ucajion dla Nuet longia dla Biblioteches.

04.04.
Das kunterbunte Märchenbeutelchen
N ucajion dla Nuet longia dla Biblioteches cunterà Veronika Krapf y Margareta Fuchs de bela stories a surpreja per duta la familia, ncuei, vënderdi ai 4 de auril dala 19:30. tla biblioteca de San Durich a Urtijëi. La biblioteca sarà n chësc di davierta nchin la 22:00.

05.04.
Gara dl paisc a Calfosch
I Stüdafüch da Calfosch cun la Scola de Schi da Calfosch inviëia ala Gara de schi de chi da Calfosch, en doman sabeda ai 05.04. dales 9:30 inant. Al vëgn garejé cun schi, snowboard o telemark. Iscri­ziuns tla sënta dla Scora de schi fina incö vëndres ai 04.04. Söl program ince ola dla fortüna, musiga y aurela cörta

05. y 06.04.
The Ski Carousel 
Vintage Party
La sajun tl’Alta Badia vëgn stlüta jö cun la »The Ski Carousel Vintage Party«, ai 5 y 6 d’aurí. An mët man la sabeda cun musiga dal ví te val’ üties y da sëra festa te paisc da La Ila, olache la strada é stlüta dales 18:00 ales 24:00. Le de do dales 10:00 pón tó pert ala gara de schi vintage sön la pista »La Para« y la festa vá inant te deplü üties y da sëra tl pecëi (pineta) a Corvara. Infos sön www.altabadia.org

07.04.
Pastelné per Pasca
Tla biblioteca de San Durich a Urtijëi puderà mutons y mutans pastelné per Pasca, n lunesc ai 7 de auril dala 15:00 inant.

07.04.
Lia di Filatelisć – ancuntedes
La Lia di Filatelisć, Numisma­tics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel’ barat. La proscima ancunteda sarà ai 7 de auril.

11.04.
Batadú a San Martin
La Uniun di Seniors da San Martin/Antermëia y la Ciasa de palsa inviëia al batadú tl Barjënt dla Ciasa de aalsa a San Martin, en vëndres ai 11 d’aurí dales 14:00. Scriesse ite cun osc compagn o osta compagna cina en jöbia ai 10 de aurí, al numer de telefon 0474 524700. Le cost da tó pert é de 20,00€ porom. Le batadú é davert a düc y al ves aspeta de bi pesć.

12.04.
Curs de dessenië y prejentazion de n liber
»Wir zeichnen einen Zoo« – l curs de dessenië y la prejenta­zion dl liber per mutons:ans dai 7 nchin ai 12 ani, vën tenì da Simon Mayr n sada ai 12 de auril dala 9:30 tla biblioteca de San Durich a Urtijëi. Tulëde pea vosta tea!

12.04.
»Die Häschenschule«
L VKE Gherdëina nvieia pitli y granc a ti cialé al film »«Die Häschenschule–Jagd nach dem goldenen Ei«, n sada ai 12 de auril dala 17:00 tl self Raiffeisen te Chemun de S. Cristina. L film ie cunsià dai 5 ani insù.

11.04.
I fajun les granares dal orí
Le Museum Ladin inviëia i mëndri da gní a fá la granara dal orí, en vëndres ai 11 d’aurí tl Museum Ladin Ciastel de Tor. Dales 15:00 ales 16:30 por mitans y mituns dla sco­lina (acompagná), dales 16:30 ales 18:00 por chi dla elemen­tara (acompagná). Al é da s’anunzié a prenotaziuns@museumladin.it o al 0474 524020. Cost: 5,00€ a ce.

Auril
Café dla rujenedes per franzëus y nglëisc
Ntan l Café dla rujenedes tla biblioteca de San Durich a Urtijëi uniràl rujenà franzëus uni merdi dl mëns, ai 8, 15, 22 y 29 de auril, for dala 09:30. Per nglëisc saràl de mierculdi ai 16, 23 y 30 de auril, for dala 09:30. Na cunescënza de basa dla rujeneda ie bën­ududa.

Chino
Atualmenter
Al chino de Pardac
En sabeda ai 5 de oril da les 21:00 e en domenia ai 6 da les 20:30 l é »The monkey«, en domenia ai 6 da les 17:00 se pel veder »Biancaneve« e en mercol ai 9 da les 21:00 l é »The monkey«. Info su www.cinemapredazzo.it.

Atualmenter
Al chino de Tieser
Insnet, vender ai 4 de oril e sabeda ai 5 da les 21:15 e en domenia ai 6 da les 20:30 se podarà veder »Nonostante«, sabeda ai 5 da les 17:00 l é »Biancaneve« e jebia ai 10 da les 21:15 per la rassegna »Il piacere del cinema« l é »A real pain«. Info www.cinematesero.com.

Cursc
09.04.
Curs da depënje üs
La Uniun Ëres Al Plan mët a jí n curs da depënje üs cun Matteo Rubatscher, en mercui ai 9 d’aurí dales 19:30 ales 21:30, te Ciasa dl Parch natu­ral a Al Plan. Se tó pera rais­plais y lampostils che tëgn l’ega. Al é da s’anunzié anter i 08.04. pro Anna Maria Clara al 328 7880348 (WhatsApp o da sëra). Posć limitá.

11.04.
Acompagné porsones 
che é tl morí
En vëndres ai 11 d’aurí dales 14:00 ales 18:00 vëgnel pité te te salf dla Raiffeisen d’Al Plan n curs de Ultim aiüt, olache les infermieres dl Raiun Sanitar Val Badia trasmët les conescënzes de basa por ti sté dlungia a chi che mör. Le curs é debann y por ladin. S’a­nunzié anter i 9.04. pro An­gela Zingerle al 338 243 0045.