La Usc di Ladins

Ai 31 de merz á i Stödafüch de Badia invié a na serada dla porta daverta, metüda a jí por motivé jones y jogn da fá pert dl grup jonil di Stödafüch.

»Al é agn olache i se stentun da ciafé jonins che vëgn do ca, porchël é le travert de na te serada chël, de daurí la porta de magazin y da pité ai jogn l’ocajiun da rové a contat cun le monn di stödafüch«, dij le surastant dl grup jonil Tobias Tasser, che á porté le salüt y á condüt i vijitadus fora por la serada cun i verdajogn Jan Irsara y Tommy Irsara.

Tosc metará man la fasa de preparaziun al concurs por la pröma seleziun, preodüda al mëteman de jügn 2025.
»Ciamó por n’edema sarál la poscibilité da gní a fá pert dl grup jonil por mëte tosc man deboriada la preparaziun por le concurs provinzial di grups jonii y düc i interessá é bëgnodüs!«, dij Tobias Tasser, che á pié do l’inciaria da surastant dl grup jonil dal mëteman dl ann 2025.

Ci adoren pa spo por fá pert di grups jonii di stödafüch? Por fá pert messon avëi complí i 12 agn anter la fin dl ann y an ne pó nia avëi passé i 17 agn. Bëgnodüs é ince l’interes y la bona orenté da fá pert de n grup, che é de gran importanza por la segurëza dla comunité. Ligrëza y sodesfaziun vëgn spo cun le fá.


Deplü ciafëise da lí tla ediziun nöia da incö, vëndres ai 4 d'aurí!