La Usc di Ladins

Su a Ronśuos, chel pian che ‘l é su par ra strada che da Jilardon ra mena ves Rumerlo e in Tofana, se vede dute i toche de chel inpianto noo, che ra sozietà Ista ra vó fei su d’istade, al posto de chi doi inpiante vece, chel co ra scentes da cuatro poste, che el moe da Lazedel, e chel de sora, pi pizo, che ‘l à gnon Ra Freza. Chesto inpianto noo ‘l arà cabines da diesc poste e el podarà portà tremile parsones a r’ora.
Con gran camion, vegnude da r’Austria, ra sozietà Doppelmayr r’à menà fora i toche de fer de chesto inpianto noo, che par ades i à poià là a Ronśuos. Con domegna ai 6 de aprile fenisce ra stajon de i schie, i sara i inpiante intrà Socrepes, Pocol e Tofana, coscita i podarà scomenzà a lourà, da fei su ‘l inpianto noo, da ruà de sora de Socrepes. El sarà nafré pi longo de chi outre doi de ignante, coscita da podé ruà de un ver ves Rumerlo, da chel outro ves Pocol, da darśonśe ‘l inpianto Olimpia, che el mena su in Son dei Prade, par dapò ciapà ra Cortina Skyline, chel inpianto daerto del 2021, co ra cabines che và fin al Bain de Dones, in Averau, i śuoghe Fouzarego e Jou, el Lagazuoi, par ruà dinultima fin in Badia.

Deplù te la edizion dl vender, 4 de auril!