La Usc di Ladins

de Iaco Rigo

Tan de jones á pa le som te cassëta da deventé modeles o – aldedaincö tres deplü – social media influenceres? Al ê da s’aspeté che la tecnologia telefonica (cun i fonins) gniss tres miú y miú marcé, che sëgn á oramai vignun y vignöna de nos la poscibilité da tó sö n video y le mëte tla rëi, o sön Instagram o te n ater canal so­zial, ola­che al é tresfora gara do clics y publich. Pro na social media in­fluencer de suzes alda sëgn te nosta realté europeica cënc milesc cina deplü miliuns de followers por che ara sides bona da vire dal marcé: dit en cört da sü sponsors che é produc, marches, sozietés y evënc de relevanza ince internazionala. I fossi corius da podëi ciaré ite tla vita y tla gran ativité de na social media influen­cer, por odëi tan lezitënta, impegnada y creativa che ara mëss ester por vire da so laur. So laur é fat desco vigni mistier da na realté che é dessigü atramënter co chëra che ara mostra online. La fadia é reala, pón dí, le contignü é indere proieté te na dimenjiun virtuala, daverta a dötes y düc, por che an ti ciares y ne se stüfes nia da ti ciaré. Ester n’é chësc laur modern bëgn nia saurí, guai sce la influencer n’á teniade nia plü material nü o idees stravagantes da posté o publiché.

Lí inant tla ediziun nöia de vëndres 28 de merz!