La Usc di Ladins

Oela, co éla 
pa jita chest invern?
La é jita belebon… Per l numer de intervenc gio die che sion sul livel de chi del an passà. La maor part di socorsc che se fasc l é tibie, jeneies, chele robe ló.

Can èste scomenzà a 
fèr l socoridor?
Chesta l é stat la seconda sajon che laore desche socors sui por­toes e »bacchettaro«.

Èste fat n cors de formazion tant sanitarie che per portèr stroz la jent che se à fat mèl?
Ei. É fat l cors de BLSD, che vo­lessa dir Basic Life Support Defibrillation, e ge vel na abili­tazion per la doura del taboga. Dapodò gio é fat ence diesc egn de Crousc Checena e son ence ti Studafech, donca mingol de basa en più la é.

Cotenc siede a fèr socors? 
Co siede endrezé?
Sun Bufaure son gio che son socoridor ma vae ence stroz a vardar do le rei, i balins enlongia i portoes, madroc e coscì. Dapodò l é Luca Rasom che l fasc demò da socoridor e l é la patulia de polizioc che i é de trei. De solit che part per prum l é n socoridor e un o doi polizioc. Conforma la gravità del event, se dezide se jir duc e doi i socoridores ló o se l é miec lasciar n poliziot e n soco­ridor se per cajo sozede valch da auter, coscì da poder enterve­gnir sobito. Luca de solit l part per prum vedù che l é ence te Crousc Biencia e l à na bona basa sanitaria che per me la é de valuta.

Deplù te la edizion dl vender, 4 de auril!