La Usc di Ladins

Do che i laurs é stá chisc tratan l’invern, vái sëgn indô inant. I baiun di laurs che vëgn fac sön la strada dl Ju de Arparora, plü avisa sön 1,7 km danter Armentarola da San Ciascian y le confin cun la provinzia de Belun. Por che an pois lauré cun pesc y aslöm, vëgn la strada indô sarada daldöt al trafich, dal lönesc ai 7 de aurí fina al vëndres ai 13 de jügn. Chësc vëgn lascé alsavëi tres n comunicat dla Provinzia. Sot la coordinaziun dla repartiziun infrastrotöres dla Provinzia vëgn la strada stabilisada y metüda en segurëza. Chisc laurs toca pro chi preodüs pro les infrastrotöres, en previjiun dles Olimpiades Milan-Cortina 2026, y vëgn finanziá por la maiú pert dal Ministere dles Infrastrotöres y tl Trafich y en pert dala Provinzia de Balsan.  (pablo)