La Usc di Ladins

Su ra pista Eugenio Monti de Anpezo se pó vegnì śo col monobob paralimpico. L on podù vede martes 1 de aprile, chi dis de i alenamente de ra nazionale taliana, canche ‘l é vegnù śo anche ‘l anpezan Flavio Menardi Diornista: «R’é śuda polito, m’à sapù bel. No son moeste masa svelte, de oga, ma ra pista r’é bela dasen. No spetae outro che vegnì śo ca in Anpezo, a Ronco, a zento metre da ciaśa mea»–el m’à dito Flavio, canche ‘l é ruà śo. Dapò de ra proes fates da ra federazios internazionales, par ra noa pista Eugenio Monti de Ronco, da i 24 a i 29 de marzo, s’à fermà in Anpezo ra Nazionale taliana, a fei alenamente, fin ai 10 de aprile. Flavio Menardi ‘l é pilota de bob da alcuante anes, in à vedù de pistes, in śiro par el mondo, in Europa e in Nordamerica, ma chesta de ciaśa r’é duta outramente: «Chesta noa Eugenio Monti r’à voltades stragnes, che no se ciata in śiro, inze chi outre inpiante.

Deplù te la edizion dl vender, 4 de auril!