La Usc di Ladins

Se à serà su en vender ai 28 de mèrz sul Abetone la finèles nazionèles e internazionèles del 43° Pinocchio sui schi 2025 per la categories Ragazzi e Allievi.

Via per duta la setemèna i joegn schiadores selezioné per tor pèrt a la finèles se à dat ju te la proes de slalom strent e lèrch tant a livel nazionèl che internazionèl e i ladins à concostà de bie resultac.
Per la categoria Under 14 Ragazzi tel slalom l é ruà l bel prum post de Gloria Kostner del SC Gardena anter eles e l fascian Gabriel Dellantonio de la Monti Pallidi é ruà sul 2° sciaier.
En vender te la garejèdes del 43° Pinocchio sui schi internazionèl de slalom strent Gabriel Dellantonio de la Monti Pallidi se à vadagnà l titol de campion internazionèl, passan via Yuri Colturi da l’Albania. Dellantonio l é l soul talian te la classifica anter atlec da dut l mond

Se pel lejer dut su La Usc nr 13 dai 4 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)