La Usc di Ladins

L é stat na bela endesfida chela che te la ultima fin de setemèna à tout ite la sozietà Artistico Ghiaccio de Fascia. La presidenta Serena Iori con l diretif, alenadores e n muie de genitores se à dat ju acioche dut carenee al miec per endrezèr la Copa Pavei d’Arjent, apuntament agonistich che conjobia sport e legreza, ruà a la edizion torona numer 10, a chel che à tout pèrt passa 160 picoi e joegn atlec e atletes.

Ogneun à fat sia pèrt, da chi che à fat da speaker e chi che se à dat ju per enjignèr l buffet, fin a chi che à rencurà i deregoladoes, e no l é mencià i picoi fascegn regolé col guant tradizionèl fascian per viventèr la premiazion te la sala grana del stadie, con copes e medaes che fegurèa de bie pavei de legn, realisé dal Laboratorie sozièl de l’ANFFAS de Fascia.

Se pel lejer dut, coi resultac ladins, su La Usc nr 13 dai 4 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)