La Usc di Ladins

N sada i 5 de auril iel  stat la nona edizion dla Adamello Ski Raid, garejeda de peves che valova per la segonda proa dla lingia de garejedes nternaziuneles de "La Grande Course". I atlec y la atletes messova fé pra chësta garejeda n deslivel de 3.355 metri sun 40 chilometri de lunghëza. Cin' iedesc fòvel da jì suvier cun la peves y cin' iedesc da furné juvier y l fova nce n cater tòc ulache n messova jì a pe y se purté i schi cun l flucion.

Alex Oberbacher de Urtijëi à fat pea cun William Boffelli, deberieda ovi chëst ann bele arjont n bon segondo plazamënt pra la Sellaronda Skimarathon. Y nce chëst iede, sun l jëuf Tonale, àla drët butà y i à inò pudù pië do na bedaia de arjënt cun n tëmp de 4:12:30. Plu asvelc de ëi ie mé stat l pèr di doi atlec franzëusc Xavier Gachet y William Bon Mardion, che à fermà l cronometer a n tëmp de 4 ëura, 7 menuc y 57 secunc. 

Per i Gherdëina Runners, Manuela Perathoner

L articul ntier tla edizion nueva de La Usc di Ladins de n vënderdi ai 11 de auril.