La Usc di Ladins

Ai 1. de auril à la zentrela de Bulsan cherdà per n ntervënt sal snowpark sun Mont de Sëuc, ulache n jëunn se ova rot n brac. N l à menà tl spedel de Persenon.
Cun l 2 de auril à l Aiut Alpin Dolomites arjont si 545ejim ntervënt. Danmesdì àn damandà aiut sun n purtoi a Cortina ulache l fova la Paraolimpiades: na jëuna dl Iapan fova tumeda y se ova rot n brac. Ruvei leprò fòvela bele unida ciarieda sun la barela »akia« dai uemes dla Polizai. La jëuna à giapà zeche contra l mel y ie pona unida ciarieda tl joler y meneda tl spedel de Belun.
Domesdì iel stat mo n ntervënt sun n purtoi a Colfosch, per n’ëila de 58 ani che se ova fat mel al uf y al os dla cuëssa. N ie julei limpea a Burnech.
Ai 3 de auril à la FIS cuntatà l Aiut Alpin per damandé sce l fossa mesun sëurantò l trasferimënt de Federica Brignone, che se ova fat mel pra i Campiunac talians sun l Alpe Lusia, dal spedel de Trënt nchin tl spedel de Milan. Davia che n ova n segondo joler y dutor a de­sposizion pervia dl turnus de nuet, àn pudù fé chësc ntervënt.

De plu tla edizion stampeda de La Usc di Ladins o sun l e-paper a paiament www.lausc.it/e-paper