La Usc di Ladins

Ence chest an la sezion ANA de la Val de sora à endrezà en sabeda ai 5 de oril na garejèda coi schi de slalom lèrch sui portoes al soladif de Belvedere. Instouta l trofeo l é stat dedicà a la memoria de Erwin Rossi de la Ciotìa, stat capogrop dal 1988 al 2006 e se n jit del 2015. La iscrizions les era avertes a duc i alpins de la sezion de Trent.

A venjer la garejèda anter i 104 atlec che é rué al travert, desche l an passà, l é stat endodanef Filippo Romano, atlet da Cianacei e sozio del Grop Alpins fascian.

Se pel lejer dut su La Usc nr 14 dai 11 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Nico)