La Usc di Ladins

Le tëmp chît dl antersajuns, cun l’invern che se röia y l’isté che é ciamó plü dalunc, é avisa chël tëmp che jënt á plü dlaurela y se tol ince plü dlaurela da jí a conzert. Tla Val Badia él sté la Musiga d’Al Plan che á "rot la dlacia", invian bele en sabeda dan otedé a so conzert d’aisciöda, tl tendun scialdé pro paiun de paisc. La coda dan tendun ê valgamia lungia y canche düc é rová ite, ê ince i scagns ocupá fina al ultim post.
Sciöche i ultims agn, á la Musiga ince en chësc iade orü abelí le conzert cun na particolarité lapró. Dl 2022 êl sté n conzert "culinar", olache i toc soná ê gnüs acompagná da n menü de degustaziun. L’ann passé êl gnü soné "toc da munt", cun la partezipaziun dl alpinist Simon Gietl. En chësc iade é la "aventöra musicala" fora por le monn, gnüda acompagnada da na "aventöra jobelnada". Deboriada cun la pedagoga de teater Barbara Rottensteiner Comploi y sot la coordinaziun de Stefanie Kaneider, él danter n toch y l’ater ince gnü jobelné. Lapró án podü saludé bëgn 10 musicontri nüs y al é gnü surandé cater onoranzes "pesoces".

Deplü podëise lí y odëi t’La Usc di Ladins di 18 d’aurí  (pablo)