La Usc di Ladins

Ai 20 de mèrz na dejina de persones à tout su l envit manà fora da l’assessora Lucia Dellagiacoma e les se à binà te la sala sot la Biblioteca de Vich per rejonèr de libres, ma ence per stèr mingol ensema e se beiver n té en compagnia. Ensema les à dezidù l prum liber »L’Amurusanza« de Tea Ranno, che l é stat tema de la scontrèda dai 10 de oril. L grop se binarà vigni meis, l apuntament che vegn sarà en mercol ai 14 de mé da les 17:30 te Biblioteca. Dutes e duc pel tor pèrt e no costa nia. Per informazions se pel chiamèr l ofize secretariat del Comun de Sèn Jan al numer 0462 764 758 int.9.  (LG)