La Usc di Ladins

Mertesc ai 25 de merz s’a biné a Feltre duc i partecipánc al progét »Klang2. Miniere, fourgn, fujine e sable«. Finanzié daite dal secondo avijo del program Interreg VI-Italia – Austria 2021-2027, l progét »Klang2« l é la continuazion e l completament del prum progét »Klang1. Sable, leons e acuile, metù a jì daite dala programazion 2014-2020. L obietif principal de Klang2 l é nrescì plù sot la produzion de erme blánce nte la sona alpina, co n’atenzion particolar ala fabricazion de sable ntel feltrin, a l’estrazion del mineral da fiern dele miniere del Tirol, del Aut Belunesc e del Sudtirol e a la rizerca e analiji dei sciti ulache i eva i fourgn da deleghé l fiern, con en focus spezifich sui temp ntra l Bas Medioevo e l XVII scecol. L progét l vol ence fenì via l itinerar turistich – cultural scomencé via co la pruma faje, per ntegré dute le maiou sone taliane che fajëva pert del ziclo produtif dele sable: Belunesc-Veneto, Maniagheje-Friul, e Bolsán – Sudtirol. Chisc teritorio, storica­mente liei da strenc raporc comerciai e sociai col Tirol austriaco, i costi­tuiva n sistem integré ulache i arte­jagn tiroleji i laoráva nte le miniere del fiern, coscita come i prodoc fenìs i vigniva menei e baratei ju.

Deplù te la edizion dl vender, 4 de auril!