La Usc di Ladins

I Campionac taliegn de paslonch metui a jir tel ultim fin de setemèna a Toblach ge à porta gran sodesfazion a Caterina Ganz. L’atleta da Moena de le Fiamme Gialle à serà su la sajon en beleza con la medaa de or te la 30 km. a tecnica classica, ruan sobito dedant da n’autra atleta ladina, l’ampezana de le Fiamme Oro Anna Comarella, che te chisc campionac l’à coscita concostà doi medaes de arjent. Terzo post per Martina Di Centa di Carabinieri.
Sodesfazion dopia per Ganz, che la se aea giusta vadagnà n’autra medaa de or te la stafeta mescedèda de ic e eles 3x9,9 km. a skating e classica, adum con Giandomenico Salvadori e Davide Graz. La squadra de le Fiamme Gialle l’à batù tel sprint finèl chela de le Fiamme Oro, con Simone Daprà, Anna Comarella e l moenat Giovanni Ticcò.

De più su La Usc nr 13 dai 4 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)