La Usc di Ladins

Dai 26 ai 28 de mèrz te senta del Istitut Cultural Ladin ‘majon di fascegn’ l é stat la scontrèda di membres del projet european Horizon DIGICHer, che à lurà per portèr inant n percors de elaborazion per la digitalisazion de l’arpejon culturèla de la comunanzes de mendranza. Chest projet vegn portà inant da na rei de universitèdes, archivies, sociazions e istituzions culturèles e l se emprevèl de gropes de lurier sparpagné te l’Europa, che da temp a temp i se troa de persona per se coordenèr e confrontèr, e chesta outa i é rué te Fascia.

L zil del projet l é ge lurèr do a la digitalisazion de l’arpejon culturèla, n ambit che te la transizion digitèla doentarà semper de maor emportanza. Tras l confront con trei comunanzes de mendranza, i Ebrees d’Europa, i Sámi del Nord de la Finlandia e apontin i Ladins, i raprejentanc de universitèdes e istituzions culturèles se met dant de lurèr fora metodologies de digitalisazions de la desvaliva formes de cultura che les sie utoles, inclusives e respetouses de la comunanzes.

Se pel lejer dut su La Usc nr 13 dai 4 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (SD)