La Usc di Ladins

Les eghes politiches tl comun da San Martin é chîtes ince sëgn che ara vëgn da lité danü ombolt y Consëi. Chësc deache al ne sará degünes mudaziuns a ce dl comun. Giorgio Costabiei, che é gnü ombolt da San Martin l’ann 2017, canche al â tut ite le post de Heinz Videsott, é ince en chësc iade le su candidat sciöche pröm zitadin. Bele pro les ultimes lîtes êl sté su, olache al â ciafé 845 usc y insciö le 77,5%. Les listes che i litadus pó chirí fora é ince les medemes sciöche zënza: les trëi listes de paisc "Ciastel" da San Martin, "Lungiarü" y "Antermëia". Öna dles desfarënzies é che an á manco candidates y candidac. Ezeziun fej ma Antermëia, olache al n’é 6 sön lista (4 ëi y 2 ëres), sciöche pro les ultimes lîtes. La lista "Ciastel" n’â dan 5 agn ciamó 13 y sëgn n’él 10 (7 ëi y 3 ëres), chëra da Lungiarü n’â 10 dl 2020; en chësc iade n’él ciamó 7 (5 ëi y 2 ëres). Ci che pó se mudé, é porchël ma la partiziun dles rapresentanzes. Tla ultima legislatöra á la lista "Ciastel" arjunt 7 scagns, la lista "Lungiarü" 5 y la lista "Antermëia" 3.

Dötes les candidates y i candidac ciafëise t’La Usc di Ladins di 4 de aurí  (pablo)